Urdu writer & journalist 

1.            Name    :               Dr. Syed Ahmad Quadri
2.            Date of Birth      :               11.09.1954
3.            Place of Birth     :               Aurangabad (Bihar)
4.            Father’s Name  :               Mr. S. Badruddin
5.            Address               :               7, New Karimganj, Gaya – 823001 (Bihar)
6.            Phone No.          :               0631-2222818
7.            Mobile No.         :               +91-9934839110
8.            Email ID                :               dr_quadri54@yahoo.co.in
6.            Academic Qualification  :               M.A. (Urdu), M.Sc. (Botany), Ph.D
7.            Books Published :                           
                (a)          REZA REZA KHAWAB                       -              Short Stories      -              1985       Awarded
                (b)          FUN AUR FUNKAR                                           -              Criticism               -              1986       Awarded
                (c)           DHOOP KI CHAADAR                      -              Short Stories      -              1995       Awarded
                (d)          AFKAR-E-NAU                                   -              Criticism               -              1996       Awarded
                (e)          URDU SAHAFAT BIHAR MEIN      -              Research Work -              2003       Awarded
                (f)           PAANI PER NISHAN                                         -              Short Stories      -              2006       Awarded
                (g)          SHAIR AUR SHAIREE                        -              Criticism               -              2007       Awarded
                (h)          AFSANA NIGAR AUR AFSANE     -              Criticism               -              2008       Awarded
                (i)            JAIZE                                     -              Reviews               -              2010      
8.            Compiled Books :
                (j)           GHAYAS AHMAD GADDI                               -              Shakhsiyat Aur Fun         -              1999
                (k)          ANJUM MAANPURI                                        -              Funkar Se Fun Tak           -              2002      
                (l)            IN SE MILIYE                                       -              Shakhsiyat          -              1989      
                (m)         ABDUL MOGHNI                                              -              Hayat Aur Khidmaat        -              2005       “
                (n)          MEMAR-E-BIHAR                                             -              Shakhsiyat          -              2008       “
                (o)          HUM KALAM                                     -              Letters to Kalam Haidri  -              2010       “
                (p)          SHEEN MUZAFFARPURI                                -              Shaksh Aur Aks -              2001       “
9.            Literary Activities  :

(a)          About hundred short stories, Critical write ups, review and editorials published in reputed journals of India, Pakistan and Bangladesh etc.
(b)          Few short stories and Articles broadcast from All India Radio, Lucknow, New Delhi (Ext Service) Patna, Jaipur, Bhagalpur and Gorakhpur etc  and also Television Channels Telecast discussions.
(c)           Several short stories translated and published in Hindi, English and Gujrati Languages.
10.          Journalistic Activities :
                (a)          Managing Editor

 سید احمد قادری 

نئی نسل کے افسانہ نگاروں میں سید احمد قادری نمایاں نظر آتے ہیں ان کی ولادت ۱۱؍ستمبر ۱۹۵۴ء بمقام نیو کریم گنج گیا ہوئی ان کے والد بدر اورنگ آبادی بھی ہندوستان کے ایک جانے پہچانے افسانہ نگار ہیں انہوں نے ایم اے اردو کرنے کے بعد درس وتدریس کو اپنا شیوہ بنالیا فی الحال آر ایل ایس وائی کا لج جہان آباد گیا میں ہیں، ان کا پہلا افسانہ بوجھ، ماہنامہ، زیور، پٹنہ دسمبر ۱۹۷۳ ء میں شائع ہو ا تھا اور اب تک ستر کہانیوں ملک کے مختلف مجموعہ ۱۹۸۵ء میں منظر عام پر آیا ہے اس میں بیس کہانیاں ہیں اس کے علاوہ دو اور تمہیدی کتابیں منظر عام پر آچکی ہیں۔ کچھ کہانیوں کے ترجمے ہندی میں بھی ہوچکے ہیں۔ سید احمد قادری کے افسانوں میں عصری حیثیت اور انسانیت کا ایک شدید احساس ہے وہ اپنے موضوعات کا انتخاب بڑی چابکدستی سے کرتے ہیں ان کے افسانوں کا کردار واقعات اور حادثات جیتے جاگتے ہوتے ہیں شہر خموشاں آنگن کی بات، سرخ جوڑے، بند آنکھوں کا سپنا اور خواب ان کی بہترین کہانیاں ہیں شہر خموشاں میں سکوت کی لاپرواہی کی طرف اشارہ کیا گیا ہے جس کی وجہ سے راتوں رات سینکڑوں انسان موت کی نیند سوجاتے ہیں، آنگن کی بات، میں باپ اور بیٹے کے اندر پیدا ہو نے والی دوری کو دکھانے کی کامیاب کوشش کی گئی ہے سرخ جوڑے میں جہیز کے رستے ہوئے ناسور کی طرف اشارہ کیا گیا ہے۔ اسے پڑھ کر ڈاکٹر محمد محسن صاحب کا افسانہ، انوکھی مسکراہٹ یاد آجاتا ہے یہ اسی طرح نفسیاتی انداز پر لکھا گیا ہے لیکن بڑی فنکاری سے مصنف نے اس کا رخ جہیز کی طرف موڑ دیا ہے دوہزار روپئے کی فراہمی اور وہ بھی صرف چھ ماہ کے اندر یہ فکرایسی تھی جس سے ثریا کا بوڑھا باپ پاگل ہوا جارہا تھا اگر وہ چھ ماہ کے اندر دوہزار رقم فراہم نہیں کرلیتا تو وہ لوگ اپنے لڑکے کی شادی کسی دوسری جگہ طے کرلیں گے یہ دھمکی بھی رہ رہ کر یاد آتی اور اس خیال سے اس کا دل دھڑکتا رہتا اگر ایسا ہوگیا تو میری ثریازندگی بھر کنواری رہ جائے گی اور شاید کنواری ہی قبر کی زینت بنے، ’’سرخ جوڑے‘‘

اسی طرح بند آنکھوں کا سپنا، ہندوستانی ادیب کی مفلسی کی طرف اشارہ ہے ۔ تکنیک اور مواد کے لحاظ سے بھی سید احمد قادری کے افسانے اچھے ہیں اظہار بیان کی صفائی اور اسلوب کا منفر د انداز ان کے افسانوں میں بدرجہ اتم پایا جاتا ہے۔ جدید تر اردو فکشن کی دنیا میں سید احمد قادری کی آمد علامتی اور تجریدی نظام اظہار کے نام پر زولیدہ بیانی او فنکارانہ خامکاری کی بوجھل فضا میں ہوا کے خوش گوار جھونکے سے کم نہیں اظہار بیان کی صفائی ماجرا سازی اور کردار نگاری کا درو لبست، تہہ ورتہہ زندگی کا عرفان اور گہری وابستگی سید احمد قادری کی تخلیقی جب کی نمایاں پہچان ہے۔ اس طرح سید احمد قادری کے افسانے ایک طرف عرفان ذات کا وسیلہ بنتے ہیں تو دوسری طرف کائنات کی وسعتوں میں پھیلتے چلے جاتے ہیں داخلی اور خارجی کیفیات ایک دوسرے سے اس طرح مربوط ہیں کہ ان کو الگ کرنا مشکل ہے یہی وجہ ہے کہ وہ اپنے ہم عصروں میں ممتاز مقام حاصل کرتے جارہے ہیں یقین ہے مستقبل میں وہ اور بھی اچھے افسانے لکھیں گے اور اردو افسانہ نگاری کی تاریخ میں ایک گراں قدر اضافہ کریں گے۔
 
’’بشکریہ بہار میں اردو افسانہ نگاری ابتدا تاحال مضمون نگار ڈاکٹر قیام نیردربھنگہ‘‘’’مطبع دوئم ۱۹۹۶ء‘‘

++++

 ڈاکٹر سید احمد قادری: ایک مختصر تعارف 

      ڈاکٹر سید احمد قادری ، اپنے افسانوں ، تنقید اور صحافت کے حوالے سے پوری اردو دنیا میں عزّت و احترام کی نظر سے دیکھے جاتے ہیں ۔ آپ کی ولادت ۱۱؍ستمبر ۱۹۵۴ء کو ریاست بہار کے ایک قصباتی شہر اورنگ آباد میں ہوئی۔ ابتدائی تعلیم  اورنگ آباد میں ہی اپنے دادا جان جناب حافظ سید غلام غوث (مرحوم) کے زیر نگرانی حاصل کرنے کے بعد رانچی کے ڈورنڈہ  ہائی اسکول سے میٹرک  پاس کیا ، اس کے بعد مگدھ یونیورسیٹی ، بودھ گیا سے بوٹنی میں ایم۔ایس سی اور ڈاکٹریٹ کی ڈگری حاصل کی اور  ان کی تقرری گیا کے مرزا غالب کالج ، کے شعبئہ نباتات میں ہو گئی، جہان وہ درس و تدریس کے فرائض انجام دینے لگے۔ اسی دوران ادبی اور صحافتی دنیا میں وہ کافی متحرک اور فعال ہو گئے، ویسے انھیں ادبی ذوق و شوق اپنے والد جناب بدرــؔ اورنگ آبادی سے ورثہ میں ملا ہے۔ 

      ڈاکٹر سید احمد قادری کے اب تک چار افسانوی مجموعے (۱) ریزہ ریزہ خواب(۱۹۸۵ئ) ،(۲) دھوپ کی چادر(۱۹۹۵ئ) ،(۳)پانی پرنشان (۲۰۰۶ئ)  اور ’ملبہ‘ (۲۰۱۵ئ) کے ساتھ ساتھ سات تنقیدی کتابیں (۱) فن اور فنکار(۱۹۸۶ئ)، (۲) افکار نو(۱۹۹۶ئ)،(۳) اردو صحافت بہار میں (۲۰۰۳ئ)، (۴) شاعر اور شاعری(۲۰۰۷ئ)، (۵) افسانہ نگار اور افسانے(۲۰۰۸ئ) اقدار و امکان (۲۰۱۴ئ) اورــ’ اردو صحافی بہار کے‘ ( ۲۰۱۵ئ)  پر منظر عام پرآکرکر ادبی حلقوں میں موضوع بحث رہی ہیں۔ ان تمام کتابوںپر بہار اردو اکادمی، اتّر پردیش اردو اکادمی اور مغربی بنگال اردواکادمی اور دیگر کئی اداروں نے قومی سطح پر شائع ہونے والی کتابوں میں انعامات سے نوازا ہے۔  ’’اردو صحافت بہار میں ‘‘ ایسی تنقیدی و تحقیقی کتاب ہے ،جسے ڈاکٹر سید احمد قادری نے کے۔کے۔برلا فاؤنڈیشن، نئی دہلی کے ذریعہ ملے فیلو شپ  کے تحت لکھی ہے، جسے نہ صرف مغربی بنگال اردو اکادمی اور بہار اردو اکادمی نے اوّل انعام دیا بلکہ اسے ریاست بہار کی تمام یونیورسیٹیوں کے ایم اے (اردو)کے نصاب میں  بھی شامل کیا  گیا ہے۔ ابھی حال ہی میں اس کتاب کا دوسرا ایڈیشن بھی شائع ہوا ہے ۔ ان کتابوں کے علاوہ ایک کتاب ’’جائزے‘‘ (۲۰۱۰ئ) ہے، جو ڈاکٹر سید احمد قادری کے ۱۲۹ کتابوں پر کئے گئے تبصروں مشتمل ہے۔ ابھی حال ہی میں یعنی  ۲۰۱۳ء میں ’’مکالمہ‘‘ کے نام سے  ایک کتاب شائع ہوئی ہے، اس میں پندرہ مشاہیر ادب سے ڈاکٹر سید احمد قادری کے لئے گئے یادگار انٹرویوز ہیں۔ ان تصانیف کے علاوہ ان کی کئی اہم تالیفات  بھی شائع ہو ئی ہیں، جن کے نام اس طرح  ہیں ، (۱) ان سے ملئے(۱۹۸۸ئ)، (۲) غیاث احمد گدّی: شخصیت اور فن(  ۱۹۹۹ء ) ، (۳) انجم مانپوری: فنکار سے فن تک(۲۰۰۲ئ) ، (۴) پروفیسر عبد ا لمغنی: حیات اور خدمات( ۲۰۰۵ء  )، (۵) معمار بہار(۲۰۰۸ئ)، (۶) ہم کلام(۲۰۰۹ئ)، اور (۷) شین مظفرپوری:شخص اورعکس(۲۰۱۱ئ)۔ یہ تمام تالیفات ایسی ہیں جو اپنے موضوع اور مواد کے لحاظ سے ادبی دنیا میں کافی اہمیت اور افادیت کی حامل ہیں ۔  

      صحافت کے میدان میں بھی ڈاکٹر سید احمد قادری نے گہرے نقوش چھوڑے ہیں۔ مورچہ، آہنگ، سہیل، عظیم آباد اکسپریس، اور  بلٹز،  وغیرہ میں اپنی صحافتی صلاحیتوں کا  بھر پور مظاہرہ کیا ۔  ۱۵؍ اگست ۱۹۸۴ء سے دسمبر ۱۹۹۷ء تک اپنے اردو ہفتہ وار ’’  بودھ دھرتی ‘‘ کی ادارت سنبھالی اور پورے ملک میں اپنے سیاسی، سماجی، لسانی اور ادبی تبصروں اور مضامین سے مقبول اور مشہور ہوئے، اس اخبار میں شائع ہونے والے کالموں میں کلام حیدی کا کالم ’’  ٹف نوٹس‘‘ اور علیم ا للہ حالی کا کالم ’’ شاخیں ‘ آج بھی کئی اعتبار سے یاد گار ہیں ۔  اسی دوران جنوری ۱۹۹۱ء سے ایک سہ ماہی رسالہ ’’ ادبی نقوش ‘‘ کا اجراء کیا ، جس کے کئی خصوصی نمبرشائع ہوئے۔ ڈاکٹر سید احمد قادری قومی ،بین الاقوامی سیمیناروں ریڈیو، ٹیلی ویژنوں کے مباحثوں میں شریک ہو کر اپنے منفرد اظہار و بیان سے اپنی ایک منفرد پہچان بنائی ہے۔ انھیں مگدھ یونیورسیٹی کے سینیٹ کا ممبرنامزد کیا جا چکا ہے، ساتھ ہی ساتھ انھوں نے انجمن ترقی اردو، بہار کے سکریٹری کی حیثیت سے بہار میں اردو زبان و ادب کے فروغ میں کافی نمایاں رول ادا کیا ہے۔

          ڈاکٹر سید احمد قادری کی ادبی اور صحافتی خدمات کے اعتراف میں حکومت بہار نے انھیں بہار اردو اکاڈمی اور بہار اردو مشارتی کمیٹی کا رکن نامزد کیا ہے ۔ اس نامزدگی پر پورے ہندوستان میں لوگوں نے اپنی مسرت کا اظہارکرتے ہوئے حق بہ حقدار رسید  کہا ۔ ڈاکٹر سید احمد قادری کے ایک زمانے میں ممبئی کے مشہور ہفتہ وار ’ بلٹز‘ میں شائع ہونے والے  صحافتی مضامین کافی پسند کئے جاتے تھے ۔ ان دنوں ایک بار پھر وہ قومی سطح کے روزنامہ ’راشٹریہ سہارا ‘ کے تمام ایڈیشنوں کے اتوار کے خاص ایڈیشن کیلئے کالم لکھہ کر پورے ملک میں تہلکہ مچائے ہوئے ہیں ۔روزنامہ سہارا اور دیگر اخبارات و رسائل میں شائع ہونے والے  ان کے تمام مضامین کی بازگشت بہت دور تک اور دیر تک سنی جا رہی ہے ۔  ان کے مضامین بیرون ممالک میں بھی ڈائجسٹ کئے جا رہے ہیں ۔

    ڈاکٹر سید احمد قادری کے فکر و فن پر مشاہیر ادب کے تحریر کردہ مضامین اور تاثرات  پر مشتمل  شیریں اختر (کولکتہ)نے ۱۹۹۸ء میں ایک کتاب ’’ سید احمد قادری : شخصیت اور فن ‘‘ شائع کیا تھا ، جس میں ، اصغر علی انجینئر ، شمس الرحمٰن فاروقی، عبد ا لمغنی، کلام حیدری، احمد یوسف، غیاث احمد گدّی، رام لعل، تارا چرن رستوگی، وارث علوی، عنوان چشتی، سرسوتی سرن کیف، محمد مثنٰی رضوی ، محمود ایوبی، نامی انصاری،علیم اللہ حالی،  م ق خان، مناظر عاشق ہرگانوی، شوکت حیات وغیرہ  نے سید احمد قادری کی گزشتہ چار دہایوںکی افسانہ نگاری، تنقید نگاری اور صحافتی خدمات کا اعتراف کرتے ہوئے انھیں لِجنڈ قرار دیا ہے۔ امریکہ کے دورہ سے ابھی حال میں واپس ہوئے ہیں ، وہاں ان کی کافی پزیرائی کی گئی ، ان کے اعزاز میں کئی نشستیں ہوئیں ، اور  وہاں کے کئی اخبارات میں  ان کے انٹرویو بھی شائع ہوئے۔ ۲۹ ؍جون۱۴ء کو وائس آف امریکہ نے اپنے خصوصی پروگرام میں ڈاکٹر سید احمد قادری کا آدھے گھنٹے کا انٹرویو نشر کیا تھا ، جس کی پزیرائی پوری اردو دنیا میں کی گئی ۔ ۔ فی الحال ڈاکٹرسید احمد قادری  اردو زبان وادب اور اردو صحافت کے حوالے سے کئی اہم پروجیکٹ پر کام کر رہے ہیں ، اور اپنی ادبی اور صحافتی  خدمات سے ملک کے سامنے ایک مثال بنے ہوئے ہیں ، اس لئے کہ انھیںکبھی بھی صلہ کی پرواہ رہی نہ ہی ستائش کی تمنّا کی ۔ بڑی خاموشی سے  اپنے خلوص ، جزبے اور جنون کے ساتھ پوری لگن ، محنت اور ایثار کے ساتھ ادب اور صحافت کی خدمات انجام دے رہے ہیں ۔ 

٭٭٭٭٭٭٭٭٭٭

 email: squadri806@gmail.com

  Mob : 09934839110