Unki aankho_n mei_n be-rukhi ka rang,

mere hotho_n pe iltija ki lahr.

 Kaun deta hai dar-e-khwab pe dastak shab-bhar

 kiska chehra meri aankho_n mei_n basaa rahta hai

 Abhi to aankh ladi hai, zara thahar jaao

 haseen raat padi hai, zara thahar jaao

 Aankho_n mei_n uski yaad kee tasweer-e-gham na ho,

 aisa hua nahi_n, kabhi aisa hua nahi_n.

 Takhaiyyul kiya kisi shaaheen kee bedaar aankhe_n hain,

 ki band aankho_n se Akhtar kiya nahi_n hum dekh lete hai_n.

 Khwabon mei_n raat aaya tha kis dasht se ghazaal

 aankhe_n badi haseen thee_n, chehra bada buland

Kis jurm mai chhini gayee_n mujhse meri aankhai_n

Unn mai to koi khwaab sajaya bhi nahee_n tha

Meri sanse_n shaam ki bheegi hawa mei_n ghul gayi

Band ki aankhe_n to maazi hi ki kitaabei_n ghul gayi

Kaya hei_n yeah loag apnay shajar aap kaat kar

Detay hei_n phir duhaaye keh saya karay koyee

Jo tera bakhat hai nahi khulti hai uss ki aankh

Laakh asmaan sayroshni laya karay koyee

Laakh ummeed khilaati rahe aankho_n mei_n gulaab,

Iss samundar ko gulistaan nahi_n hona hai.

Ek deewaar-ke dono-taraf,

Do judwaa_n bahne_n rahti hai_n,

Paas-paas-mei_n rahte-huye bhi,

Doori-ka dukh sahti hai_n,

Apni iss haalat-per dono,

Ha_ns deti hai_n Ro-leti hai_n.

Uss mulk ki sarhad ko koi chhu nahi_n sakta,

Jis mulk ki sarhad ki nigehban hai_n aa_nkhe_n.

Honto_n-se muskuraate-huye ghum-ko kyaa pataa,

Aankho_n-ne aansuo_n-ko sambhaala Hai kis tarah.

Jis ke deede ka gir gaya paani,

Us ki aa_nkho_n se mat mila aa_nkhe_n,

Bikhre ha suu hai_n jalwae jaane_n,

Unke deedar se basa aa_nkhe_n.

Jaam sharbat hai'n tumhaari aankhe_n,

Khud wazaahat hai_n tumhaari aankhe_n

Mai tumhe_n hosh may aaloo_n to kahoo_n,

Kia qayamat hai_n tumhaari aankhe_n.

Mai tumhe-n hosh may aaloo_n to kahoo_n

Kia qayamat hai_n tumhaari aankhe_n

Apni aankho_n me basaa lo mujh ko,

Khoobsoorat hai_n tumhaari aankhe_n.

Mai tumhe_n hosh may aaloo_n to kahoo_n,

Kia qayamat hai_n tumhaari aankhe_n.

Us ki aa_nkh mei_n nam kab hoga,

Jabr ka mausam kam kab hoga,

Duniya bhar ke sar ko jhuka kar

Us ka sar bhii kham kab hoga

Paas hote to koi shararat karte,

Tujhe lay kar baanho_n mei_n muhabbat karte..

Dekhtay teri aankho_n mei_n neend ka khumaar,

Apni khoyi hui neendo_n ki shikayat karte.

Kabhi dharti pe sitaro_n ka gumaa_n hota hai,

Kabhi aakash pe kharo_n ka gumaa_n hota hai,

Teri aankhe_n kabhi sagar ki tarah lagti hai_n,

Aur kabhi in pe kinaro_n ka gumaa_n hota hai.

Har aankh ye chaahe hai ke dekhe usko

Dhekhe se jia jaae he phr kia kije

Aalaa he bahut Zoqe samaa-at jinka

Kam unse sunaa jaae he phir kia kije

Khanjar jo gawahi hai mere qatl ki us par,

Apni hi ungaliyo_n ke nisha_n dekh raha hoo_n,

Sab aap ki ankho_n se jaha_n dekh rahe hai_n,

Mai aap ki ankho_n mai_n jaha dekh raha hoo_n.

Qatil ki is ada pe bhi qurban jayie,

Khud de ke zahar aankkho_n mai_n aanso_n bhi bhar liye,

Thi kaun si Khata ke mili jis ki ye saza,

Humne to umar bhar tere naqsh-e-qadam liye.

Hum jante hai_n dil mai_n tumhare nahi hai_n hum,

Jo Khat tumhari aankho_n mai_n the hum ne parh liye.

Ankh parhti hai kahee_n pao_n kahee_n parhta hai,

sab ki hai un ko Khabar apni Khabar kuch bhee nahee.

Us Ki Jam-E-Jam Ankhe_n Shisha-E-Badan Mera,

Us Ki Band Mutthi Mei_n Sara Bankpan Mera.

Ab yai ankhe_n kisi taskin se tabinda nahee_n,

Mai_n ne rafta se yai jana hai ke ainda nahee_n,

Dil yai wira_n dam-e-isa hai gayai waqt ki yad,

Kaun sa alam ka yai rafta hai ke zinda .

Tum Ankho_n Se Door Ho, Hui Neend Ankho_n Se Door

mere sathi Gham ki chot se hua dil ka shisha choor

mujhe shikava hai taqadir se nahi tum se koi

Gila mujhe lakar yu_n pardes mei_n mera sab kuch cheen liya

Meri aankho_n ko agar band bhi kar degi thakan

Taza dam ho ke teri aankho_n se jhakoo_nga mai_n!

Khilna kam kam kali ne seekha hai,

Teri aankho_n ki neem khwabi Se.

Kin neendo_n ab tu soti hai, ai chashm-e-giriya naak,

Mizhgaan tau khol, shahr ho sailaab le gaya.

Chashm-e-najm-e-sapahir jhapke hai,

Sadqe is ankhriaa_n laraane ke.

Ek sab aag, ek sab paani,

Deeda-o-dil azaab hai_n dono_n.

Aalooda chashm mei_n na hui surma se nigah,

Dekha jahaa_n se saaf hi ahl-e-safa chale.

Fani, jisme_n aansoo kya, dil ke lahoo ka kaal na tha,

Haae woh aankh ab paani ki do boondo_n ko tarsati hai

Jo chashm ke be nam ho, woh ho koor tau behtar,

Jo dil ke ho be daagh, jal jaae tau achha.

Din mei_n hum ho dekhne waalo,

apne apne hai_n auqaat,

Jaao na tum in khushk aankho_n par,

hum raato_n ko ro le_n Hai_n.

Aankhe_n miri talwo_n se woh mal jaae tau achha,

Hai hasrat-e_pa-bos, nikal jaae tau achha.

Mir, un neem baaz aankho_n mei_n,

Saari masti sharaab ki si hai

Ho na beena tau farq phir kya hai,

Chashm-e-insaan-o-chashm-e-nargis mei_n.

Mai_n tau raaz-e-dil chhipaaoo_n, par chhipa rahne bhi de,

Jaan ki dushman yeh zaalim aankh lalchaai hui.

Aankh ki tasweer sar naama pe kheinchi hai ke ta,

Us pe khul jaae ke rnujhko hasrat-e-deedaar hai.

Ashk-e-tar, qatra-e-khoo_n, lakht-eJigar, paara-e-dil,

Ek se ek adoo aa_nkh se behtar nikla.

Ashk-e-tar, qatra-e-khoo_n, lakht-eJigar, paara-e-dil,

Ek se ek adoo aa_nkh se behtar nikla.

Meri aankho_n ko agar band bhi kar degi thakan,

Taza dam ho ke teri aankho_n se jhakoo_nga mai_n.