Barhake tishnagi-e-deed ja-rahe ho kahan?
nigaah-e-shauq adi hai, zara thahar jaao
|
Author : Kalim Akhtar |
|
Ghubaar aankhon pe yoon-hi chhaa gayaa
hai,
Ke teri deed ka pal aa gayaa hai. |
Author : Shahid Jameel |
|
Tune dekha hai kabhi ek nazar sham ke bad
Kitne chup-chap se lagate hai’n shajar sham ke bad
|
Author : FARHAT ABBAS SHAH |
|
Nazzare ko yeh jumbish-e-mizhgaa’n bhi baar hai,
Nargis ki aankh se tujhe dekha kare koi.
|
Author : Allama Iqbal |
|
Kaasa-e-chashm le ke joo’n nargis,
Hum ne deedaar ki gadaai ki.
|
Author : Mir Taqi Mir |
|
Deed -e-Laila ke lieye deeda-e-Majnu’n hai zaroor
Meri aankho’n se koi dekhe tamaasha tera.
|
Author : Unknown |
|
Ik tiri deed chhin gai mujh se,
Warna duniya mei’n kya nahi’n baqi.
|
Author : Faiz Ahmad Faiz |
|
Maana ke teri deed ke qaabil nahi’n hoo’n mai’n,
Tu mera shauq dekh, mera intezaar dekh.
|
Author : Allama Iqbal |
|
Dil ko niaaze-hasrat-e-deedaar kar chuke,
Dekha tau hum mei’n taaqat-e-deedaar bhi nahi’n.
|
Author : Mirza Ghalib |
|