Ura kar sehan-e-gulshan se, mita kar aashia’n mera,
Mere saaye ke peechhe phir raha hai baaghbaa’n mera.
|
| Author : Chakbast |
|
Azizaan-e-watan ko ghuncha-o-barg-o-samar jaana,
Khuda ko baghbaa’n aur qaum ko hum ne shajar jaana.
|
| Author : Chakbast |
|
Badal sako tau badal do yeh baaghbaa’n, warna,
Yeh bagh saaya-e-sarw-o-sama’n ko tarsega.
|
| Author : Nasir Kazmi |
|
Chaman zaar-e-mohabbat mei’n usi ne baaghbaani ki,
Ke jis ne apni mehnat hi ko, mehnat ka samar jaana.
|
| Author : Chakbast |
|
Mohabbat thi chaman se, lekin ab yeh be-dimaaghi hai,
Ke mauj-e-boo-e-gul se naak mei’n aata hai dam mera.
|
| Author : Mirza Ghalib |
|
Urti phirti thei’n hazaaro’n bulbulei’n gulzaar mei’n,
Jinmein kya aai ke paaband-e-nasheman ho gaei’n!
|
| Author : Unknown |
|
Mai_n chaman mei_n kya gaya, goya dabistaa_n khul gaya,
Bulbale_n sun kar mere naale ghazal-khwan ho gaie_n.
|
| Author : Mirza Ghalib |
|
Gulshan Ki hawa zaar hui jaati hai,
Phoolo’n ki nazar khawar hui jaati hai,
Jo shaakh kabhi jhuk ke gale miltee thii,
Khainch kar talwaar hui jaati hai.
|
| Author : Kalim Aajiz |
|
Kabak-o-qumri mei’n jhagra hai ke chaman kiska hai,
Kal bata degi khizaa’n ke watan kiska hai,
|
| Author : Hali |
|
Jalwa hai usi ka sab guishan mei’n zamaane ke,
Gul phool ko hai un ne parda sa bana rakhkha. Sayyaad tera
|
| Author : Mir Taqi Mir |
|
ghar mujhe jannat sahi, magar,
Jannat se bhi siwa mujhe raahat chaman mei’n thi.
|
| Author : Riaz |
|
Hum lieye phirte hai’n aankho’n mei’n chaman, ai baaghbaa’n,
Jistaraf uthi nigah-e-shauq, gulshan ho gaya.
|
| Author : Saqab Lucknavi |
|
Gulu’n mei’n rang bhare, baad-e-nau bahaar chale,
Chale bhi aao ke gulshan ka kaarobaar chale.
|
| Author : Faiz Ahmad Faiz |
|
Kyo’n na dekhoo’n chaman ko hasrat Se,
Aashiaa’n tha mira yahaa’n par saal.
|
| Author : Mir Taqi Mir |
|
