Na thi haal ki jab hame_n apne khabar,
rahe dekhte auro_n ke aib-o-hunar,
Pari apni buraaeo_n par jo nazar,
tau nigah mei_n koi bura na raha.
|
Author : Zafar |
|
Khamosh, ai di, bhari mehfil mei’n chillaana nahi’n achcha,
Adab pehla qarina hai mohabbat ke qarino’n mei’n.
|
Author : Allama Iqbal |
|
Rok lo gar ghalat chale koi,
Baksh do gar khata kare koi.
|
Author : Mirza Ghalib |
|
Na suno gar bura kahe koi,
Na kaho gar bura kare koi.
|
Author : Mirza Ghalib |
|
Le saans bhi aahista, ke naazuk hai bahut kaam,
Aafaaq ki is kaargah-e-sheesha gari ka.
|
Author : Mir Taqi Mir |
|
Woh kaun sa uqda hai jo waa ho nahi’n sakta,
Himmat kare insaa’n tau kya ho nahi’n sakta!
|
Author : Unknown |
|
Ta-assub chhor naadaa’n, dahar ke aaeena khane mei’n,
Yeh tasweer’n hai’n teri jinko samjha hai bura tu ne.
|
Author : Allama Iqbal |
|
Museebat mei’n bashar ke jauhar-e-mardaana khilte hai’n,
Mubarak buzdilo’n ko gardish-e-qismat se dar jaana.
|
Author : Chakbast |
|
Kuchh apne paao’n ki himmat bhi chaahiye, ai peer,
Yehi nahi’n tau madadgari-e-asa maaloom.
|
Author : Shad Azeemabadi |
|
Ghairat-e-Yousaf hai yeh waqt-e-aziz,
Mir, isko raaegaa’n khota hai kya.
|
Author : Mir Taqi Mir |
|
Agar jameeat-e-dil hai tujhe manzoor, qaane ho,
Ke ahl-e-hiras ke kab kaam khaatir khwah hote hai’n.
|
Author : Dard |
|
Qatra darya mei’n jo mujaae, tau darya ho jaae,
Kaam achcha hai who jiska ke ma-aal achha hai.
|
Author : Mirza Ghalib |
|
Yaqee_n muhkam, amal paiham, mohabbat faateh-e-
aalam,
Jihaad-e-zindgaani mei_n yeh ham mardo_n ki
shamsheere_n.
|
Author : Allama Iqbal |
|
Dard-e-dil ke waaste paida kiya insaan ko,
Warna taait ke lieye kuch kam na the karr-o-bayaa’n.
|
Author : Dard |
|
Zindagi zinda dili ka naam hai,
Murda dil khaak jiaa karte hai’n.
|
Author : Nasikh |
|
Sabko hans kar milne waale, humko kisi se bair nahi’n,
Duniya hai mahboob hame’n, aur hum duniya ko pyaare hai’n.
|
Author : Jamil Mallick |
|
Mita de apni hasti ko agar kuchh martaba chaahe,
Ke daana khaak mei’n mil kar gul-e-gulzaar hota hai.
|
Author : Allama Iqbal |
|
Jahaa’n mei’n ahl-e-eemaa’n soorat -e-khursheed jeete hai’n,
Idhar doobe udhar nikle, udhar doobe idhar nikle.
|
Author : Allama Iqbal |
|
Saadiq hoo’n apne qaul mei’n, Ghalib khuda gawah,
Kahta hoo’n sach, ke jhoot ki aadat nahi’n mujhe.
|
Author : Mirza Ghalib |
|
Aaeen-e-jawaa’n mardaa’n, haq goi-O-bebaaki,
Allah ke shero’n ho aati nahi’n roobaahi.
|
Author : Allama Iqbal |
|