Gulshan parast hoo’n, magar gul hi nahi’n aziz,
Kaanto se bhi nibaah kieye ja raha hoo’n mai’n.

In aablo’n se paao’n ke ghabra gaya tha mai’n,
Ji khush hua hai raah ko pur khaar dekh kar.

Phir bahaar aai, wohi dasht-nawardi hogi,
Phir wohi paao’n, wohi khaar-e-mughelaa’n honge.

Kaanto’n ka bhi haq hai, peaarey,
Kaun chhuraae apna daaman.

Mai’n phool chun-ne aaya tha baagh-e-hayaat mei’n,
Daaman –o- khaarzaar mei’n uljha he rah gaya.

Bahut hasee’n sahi suhbate’n gulao’n ki, magar,
Woh zindagi hai Jo kaanto’n ke darmiaa’n guzre.
                                                           

Kaanto’n hi zabaa’n sookh gai pyaas se yaarab,
Koi aabla pa waadi-e-pur khaar mei’n aawe.