Ba-qadr-e-paimaana-e-takhaiyyul suroor,
har-dil mei'n hai khudi-ka,
Agar na-ho ye fareb-e-paihum,
toh dam nikal jaaye aadmi ka.
|
| Author : Jameel Mazhari |
|
AAP BEMISL HAI'N, ZAMANE MEI'N AAPSA KOI NAZEER KAHA'N,
BHALA AAPSA AZEEM KAHA'N AUR MUJHSA BANDAYE HAQEER KAHA'N,
KAUN KAHTA HAI KE MAI BHI SHER GOYI KARTA HOO'N,
BHALA GHALIBO MEER KAHA'N AUR YE NATAWA'N MOSHEER KAHA'N. |
| Author : Mosheer Alam |
|
Kachi diwar hoo'n Thokar na lagana mujh ko ,
Apni nazro mai'n basa kar na girana mujh ko .
|
| Author : Asrar Ansari |
|
Wafa kaisi, kaha’n ka ishq, jab sar phorna thahra,
Tau phir, ai sangdil, tera hi sang-e-aastaan kyo’n ho!
|
| Author : Mirza Ghalib |
|
Baaham salook tha tau uthaate the narm garm,
Kaahe ko Mir koi dabe, jab bigar gai.
|
| Author : Mir Taqi Mir |
|
Bandagi mei’n bhi woh azad-O-khud been hai’n ke hum
Ulte phir aaey dar-e-kaaba agar waa na hua.
|
| Author : Mirza Ghalib |
|
Khudi ka raazdaa’n ho kar, khudi ki daastaa’n hoja,
Jahaa’n se kya gharz tujhko, tu aap apna jahaa’n ho ja.
|
| Author : Arsh Malsiani |
|
Khudi ko kar buland itna ke har taqdeer se pahle,
Khuda bande se khud poochhe, bata teri raza kya hai.
|
| Author : Allama Iqbal |
|
Ab bhi dimaagh-e-rafta hamaara hai arsh par
Go aasmaa’n ne khaak mei’n hum ko mila diya.
|
| Author : Mir Taqi Mir |
|
Dil hamaara jazba-e-ghairat ko kho sakta nahi’n,
Hum kisi ke saamne jhuk jaaen, ho sakta nahi’n.
|
| Author : Josh |
|
Diya apni khudi ko jo hum ne mita, who jo parda sa beech mei’n tha, na raha,
Parde mei’n ab na woh parda nashee’n, koi doosra uske siwa na raha.
|
| Author : Zafar |
|
Hai’n aaj kyo’n zaleel, ke kal tak na thi pasand,
Gustaakhi-e-farishta hamaari janaab mei’n.
|
| Author : Mirza Ghalib |
|
Jab ishq sikhaata hai aadaab-e-khud-aagaahi,
Khulte hai’n ghulaamo’n par asraar-e-shahnshaani.
|
| Author : Allama Iqbal |
|
Raah-e-khuddari se mar kar bhi bhatak sakte nahi’n,
Toot tau sakte hai’n hum, lekin lachak sakte nahi’n.
|
| Author : Josh |
|
Ai taair-e-laahooti, us rizq se maut achhi,
Jis rizq se aati ho parwaaz mei’n kotaahi.
|
| Author : Allama Iqbal |
|
Sar kaso se faro nahi’n aata,
Haif bande hue, Khuda na hue!
|
| Author : Mir Taqi Mir |
|
