Zara tar kiya humne sookhe labon ko
bayaabaan mein aab-e-karam dekhte hain
|
Author : Kalim Akhtar |
|
Bahut kaseef gham-e-rozgaar hai, warna
labon ke lams mein rakkha hai sar khushi ka namak
|
Author : Kalim Akhtar |
|
Maaloom nahi’n kya hai lab-e-surkh-e-butaa’n mei’n,
Is aattishe-khaamosh ka hai shor jahaa’n mei’n.
|
Author : Mir Taqi Mir |
|
Lal-e-khamosh apne dekho ho aarsi mei’n,
Phir poochhte ho hans kar mujh be-nawa ki khwahish.
|
Author : Mir Taqi Mir |
|
Naazuki uske lab ki kya kahiye,
Pankhri ik gulab ki si hai.
|
Author : Mir Taqi Mir |
|
Lab tire lal-e-naab hai’n dono’n,
Par tamaami itaab hai’n dono’n.
|
Author : Mir Taqi Mir |
|
Apne tau ho’nt bhi na hue uske roobaroo,
Ranjish ki waja Mir kya baat ho gai.
|
Author : Mir Taqi Mir |
|
Un labo’n ne na ki maseehaai,
Hum ne sai’ sau tarah se mar dekha.
|
Author : Mir Taqi Mir |
|
Mar gaya sadma-e-yak jumbish-e-lab se Ghalib,
Naatawaani se woh hareefe-dam-e-Isa na hua.
|
Author : Mirza Ghalib |
|