Meri kismat meiN gham gar itna tha
Dil bhee ya rab kai diye hote

Ye kis hisaab-se kee tu-ne roshni taqseem?
Sitaare mujh-ko milay, maahtaab uska thaa.
                     

'Razia' moti rolti,'Radha'khele dhool,
Jis-ki jitni odhni, utne  us-ke phool.
                      

Qismat buri sahi pe tabiat buri nahi’n,
Hai.shukr ki jagah ke shikaait nahi’n mujhe.

Qismat se hi laachaar hoo’n, ai Zauq wa-garna,
Har fun mei’n hoo’n mai’n taaq, mujhe kya nahi’n aata.

Qismat ki khoobi dekhieye, tooti kahaa’n kamand,
Do chaar haath jab ke lab-e-baam rah gaya.

Jahaa_n shatranj, baazinda falik, hum tum hai_n sab muhrey,

Basaan-e-shaatar-e-nau, zid use muhro_n ki zad ki hai.

Jahaa_n shatranj, baazinda falik, hum tum hai_n sab muhrey,

Basaan-e-shaatar-e-nau, zid use muhro_n ki zad ki hai.

Naadaan ho jo kahte ho kyo’n jeete ho Ghalib,
Qismat mei’n hai marne ki tamanna koi din aur.

Woh be-wafa kahe mujhe jis se wafa karoo’n,
Main badnaseeb apne muqaddar ka kya karoo’n.

Kisi ki naao ko toofaa’n ne gharq-e-aab kiya,
Kisi ki naao kinaare isi bahaane lagi.