Sab ghum-ke tamaashe hai'n,
Khush hoo'n usi dukh per,
Kyaa she'r taraashe hai'n! |
| Author : Shahid Jameel |
|
Ye kya ke ghum-ka samundar utar pade dil-mei'n,
Khushi-ki boond bhi ho toh chhalak-ke rah jaaye. |
| Author : Mohammad Alvi |
|
Qaum ke ghum mei'n dinner khaate hai'n
hukkaam ke saath,
Ranj leader ko bahut hai,magar aaram ke saath. |
| Author : Akber Allahabadi |
|
Kissi-ke paas rahoon toh kissi-ki yaad aaye,
Mai'n abki-baar ye ghum bhi uthaane-walaa hoo'n. |
| Author : Shahid Jameel |
|
WO KISI MUFLIS KA GHAR THA JIS K DERWAZAY SAY KAL,
RANJ-O-GHAM KI BHEER SAY DARR KER KHUSHI JATI RAHI |
| Author : Saami Aejaz |
|
Apna ghum bhool gaye teri jafa bhool gaye
hum to har bat mohabbat ke siwa bhool gaye
hum akele hi nahi pyar ke diwane sanam
ap bhi nazrain jhukane ki ada bhool gaye
ab to socha hai ke daman hi tera thamenge
hath jab humne uthaye hai’n dua bhool gaye
shukr samjho ya ise apni shikayat samjho
tum ne wo dard diya hai ke dawa bhool gaye
|
| Author : Farukh Qaiser |
|
Kaati hai Ghum ki a bare ehtaram ,
aksar bujha liya hai chirago’n ko sham se,
roshan hai apni bazm aur is ehtamam ,
kuch dil bhi jal rahe hai’n chiragho’n ke nam se.
|
| Author : Ali Ahmad Jalili |
|
Wo gul farosh kaha’n? ab gulab kis se loo’n
Nahi raha mera saqi sharab kis se loo’n
Teri talash mei’n is umr-e-mosto’ar ke sal
Jo rayegai’n gaye un kaa hisab kis se loo’n
|
| Author : Anwer Shaoor |
|
Tumhare Ghum ka mausam hai abhi tak,
Lab-e-tashna pe shabnam hai abhi tak,
Safar mai’n abale hi abale the,
Magar pairo’n mai’n dam kham hai abhi tak .
|
| Author : Anees Ansari |
|
Chand ke sath kai dard purane nikale,
Kitane Gham the jo tere Gham ke bahane nikale,
Fasl-e gul ai phir ik bar asiran-e-vafa,
Apane hi Khoon ke dariya mei'n nahane nikale.
|
| Author : Amjad Islam Amjad |
|
Maikada Tha, Chandani Thi, Mai’n Na Tha,
Ik mujassam bekhudi thi mai’n na tha ,
Ishq jab dam torata tha tum na the
Maut jab sar dhun rahi thi mai’n na tha .
|
| Author : Abdul Hamid Aadam |
|
Mit jaaen zamaane se saraasar ghum-o-andoh,
Hona nahi’n aaya abhi insaan ko ghumgeen.
|
| Author : Firaq Gorakhpuri |
|
Ai Dard jiski aankh khuli is jahaan mei’n,
Shabnam ki tarah jaan ko apni woh ro gaya.
|
| Author : Dard |
|
Aalaam-e-rozgaar ko aasaan bana diya,
Jo ghum hua use ghum-e-jaanaa’n bana diya.
|
| Author : Asgher Gondvi |
|
Na samjha Dard hum ne bhed yaa’n ki shaadi-o-ghum ka,
Sahar khandaan hai kyo’n, roti hai kis ko yaad kar shabnam.
|
| Author : Dard |
|
Ek hangama pe mauqoof hai ghar ki raunaq,
Noha-e-ghum hi sahi, naghma-e-shaadi na sahi.
|
| Author : Mirza Ghalib |
|
Ghum raha jab tak ke dam mei’n dam raha,
Dil ke jaane ka nihaait ghum raha.
|
| Author : Mir Taqi Mir |
|
Tool -e-ghum-e-hayaat se ghabra na, ai Jigar!
Aisi bhi koi shaam hai, jiski sahar na ho.
|
| Author : Jigar |
|
Shaadi se ghum jahaan mei’n deh chand hum ne paya,
Hai Eid ek din tau das din yahaa’n dahaa hai.
|
| Author : Mir Taqi Mir |
|
Yoo’n hi Firaq ne umr basar ki,
Kuchh ghum-e-jaanaa’n, kuchh ghum-e-dauraa’n.
|
| Author : Firaq Gorakhpuri |
|
Sauda jo be-khabar hai, woh kare hai aish,
Mushkil hai bahut unko, Jo rakhte hai’n aagahi.
|
| Author : Sauda |
|
Har subah ghumo’n mei’n shaam ki hai mai’n ne,
Khoonaaba kashi madaam ki hai mai’n ne.
|
| Author : Mir Taqi Mir |
|
Dil mei’n phir giriya ne ik shor uthaya, Ghalib,
Aah, Jo qatra na nikla tha, so toofaa’n nikla.
|
| Author : Mirza Ghalib |
|
Hui jin se tawaqqo khastgi ki daad pane ki,
Woh hum se bhi zayaada khasta-e-tegh-e-sitam nikle.
|
| Author : Mirza Ghalib |
|
Qaid-e-hayaat-o-band-e-ghum asal mei_n dono_n ek
hai_n,
Maut se pahle aadmi ghum se nijaat paae kyo_n.
|
| Author : Mirza Ghalib |
|
Ranj se khoogar hua insaa_n tau mit jaata hai ranj,
Mushkale_n itni paree_n mujh par ke aasaa_n ho gaie_n.
|
| Author : Mirza Ghalib |
|
Ho kar kharaab-e-mai tire ghum tau bhula dieya,
Lekin ghum-e-hayaat ka darmaan na kar sake.
|
| Author : Sahir |
|
Mere rone ki haqeeqat jis mei’n thi,
Ek muddat tak woh kaaghaz num raha.
|
| Author : Mir Taqi Mir |
|
Khanjar chale kisi pe, tarapte hai’n hum, Amir,
Saare jahaa’n ka dard hamaare jigar mei’n hai.
|
| Author : Ameer Minai |
|
Meri qismat mei’n ghum gar itna tha,
Dil bhi yaarab kai dieye hote.
|
| Author : Mirza Ghalib |
|
Aur mujh paas kya hai dene ko,
Dekh kar tujh ko roey deta hoo’n.
|
| Author : Wali |
|
Hairaa’n hoo’n dil ko ro-oo’n ke peetoo’n jigar ko mai’n,
‘Maqdoor ho tau saath rakhu’n noha gar ko mai’n. |
| Author : Mirza Ghalib |
|
Giriya nikale hai teri bazm se mujh ko,
Haae ke rone pe ikhtiaar nahi’n hai.
|
| Author : Mirza Ghalib |
|
Jo is shor se Mir rota rahega,
Tau humsaaya kaahe ko sota rahega.
|
| Author : Mir Taqi Mir |
|
Mujhe kaam rone se har dam hai, naasih,
Tu kab tak mire munh ko dhota rahega.
|
| Author : Mir Taqi Mir |
|
Raat aadhi se zayaada gai thi, saara aalam sota tha,
Naam tira le le kar koi, dard ka maara rota tha.
|
| Author : Firaq Gorakhpuri |
|
Ghum agarche jaangusai hai, pe kaha_n bache_n ke dil
hai,
Ghum-e-ishq gar na hota, ghum-e-rozgaar hota.
|
| Author : Mirza Ghalib |
|
Rone se ai nadeem mulaamat na kar mujhe,
Aakhir kabhi tau uqda-e-dil waa kare koi!
|
| Author : Mirza Ghalib |
|
Shauq ko yeh lat ke har dam naala kheincha chaaheye,
Dil ki woh haalat ke dam lene se ghabra jaae hai.
|
| Author : Mirza Ghalib |
|
Naghmahaae ghum ko bhi ai dil ghaneemat jaaneye,
Be-sada ho jaaega yeh saaz-e-hasti ek din.
|
| Author : Mirza Ghalib |
|
Kahte hai’n paida hui hai har dard ki dawa,
Yoo’n ho tau chara-e-ghum-e-ulfat ki kyo’n na ho.
|
| Author : Mirza Ghalib |
|
Jeete ji hum tau ghum-e-farda ki dhun mei_n mar gaey,
Kuchh wohi achhe hain jo waaqif nahi_n anjaam Se.
|
| Author : Shad Azeemabadi |
|
Dam-e-zindagi, ram-e-zindagi, ghum-e-zindagi, sim-e-zindagi,
Ghum-e-ram na kar, sim-e-ghum na kha, ke yehi hai shaan-e-qalandri.
|
| Author : Allama Iqbal |
|
Maut ka nuskha abhi baqi hai, ai dard-e-firaq,
Chaara gar deewaana hai, mai’n Ia dawa kyo’nkar hua.
|
| Author : Allama Iqbal |
|
