Hosh-o-hawaas, taab-o-tawaan, fikr-e-shaairy
sab kuchh lutaa diya hai, tere intezaar mein
|
Author : Kalim Akhtar |
|
Talaa-shai Zindagi karne lago gay,
Mu-sal-sal roshani karne lago gay,
Tumhe-n bhi jab masaa-el ghair le-n gay,
To tum bhi shaa-aiyree karne lago gay. |
Author : Aslam Rahi |
|
Batao,mojon mein baiqarari si kis lye hai?
Batool,lagta hai,phir samandar mein jaal aya
Batao,logon ne sari halat jo bhanp lee tou?
Batool.dil se tamam khadshay nikaal aya
Batao,honton pe bat aa kar palat gai kyn?
Batool,sochon mein gungunata sawal aaya
Batao,dil ko khayal ne, kis tarah se chooma?
Batool,us k labon ko jis pal kamal aaya |
Author : Fakhira Batool |
|
Aate ham ghaib se yeh mazameen khayaal mei’n,
Ghalib sareer-e-khama nawa-e-sarosh hai.
|
Author : Mirza Ghalib |
|
Nahi’n mumkin ke kilk-e-fikar likhe shair sab achhe,
Barasta hai bahut neesaan, guhar hote hai’n kam paida.
|
Author : Nasikh |
|
Kabhi pichhli pahr ko dekh le kisi saans lete chiragh ko,
Jo ghazal hui tau shaoor mei’n wohi khastgi hai, wohi
thakaan.
|
Author : Firaq Gorakhpuri |
|
Dekhna taqreer ki lazzat ke jo usne kaha,
Mai’n ne yeh jaana ke goya yeh bhi mere dil mei’n hai.
|
Author : Mirza Ghalib |
|
Duniya ne tajurbaat-o-hawaadis ki shakl mei’n,
Jo kuchh mujhe diya hai, lauta raha hoo’n mai’n.
|
Author : Sahir |
|
Na hua, par na hua Mir ka andaaz naseeb,
Zauq, yaaro’n ne bahut zor ghazal mei’n maara.
|
Author : zauq |
|
Naqsh-o-nigar-e-ghazal mei’n jo tum ye/i shadaabi paao ho,
Hum ashko’n mei’n kaaenaat ke nok-e-qalam dabo le hai’n.
|
Author : Firaq Gorakhpuri |
|
Firaq, ai kaash, sun-ne waalo’n ke seeno’n mei’n dil hota,
Haqeeqat hoti hai ashaar mei’n, baaten nahi’n hoti’n.
|
Author : Firaq Gorakhpuri |
|
Hum parwarish-e-loh-o-qalam karte rahenge,
Jo dil pe guzarti hai raqam karte râhenge.
|
Author : Faiz Ahmad Faiz |
|
Sun kar mira afsana-e-ghum us ne yeh kaha,
Ho jaae jhoot sach, yehi khoobi bayaa’n ki hai.
|
Author : Dagh |
|
Asghar nishaat-e-rooh ka ik khil gaya chaman,
Jumbish hui jo khama-e-rangee’n nigaar ko.
|
Author : Asgher Gondvi |
|
Kya jaanu’n dil ko kheinche hai’n kyon shair Mir ke,
Kuchh tarz aisi bhi nahi’n, aihaam bhi nahi’n.
|
Author : Mir Taqi Mir |
|
Shaairy kya hai? dili jazbaat ka izhaar hai,
Dil agar bekaar hai tau shaairy bekaar hai.
|
Author : Safi Lucknawi |
|
Wohi rahjaate hai’n zabaan par,
Shair jo intekhaab hote hai’n.
|
Author : Ameer Minai |
|
Shair dar asl hai’n wohi, Hasrat,
Sunte hi dil mei’n jo utar jaaei’n.
|
Author : Hasrat |
|
Rangeen bahaana hai faqt nazm-o-ghazal ka,
Maqsood haqeeqat ki yahaa’n parda dari hai.
|
Author : Wajd |
|
Yehi shaer hai’n meri saltanat, isi fun mei’n hai mujhe afeeat,
Mire kaasa-e-shab-o-roz mei’n tire kaam ki koi shai nahi’n.
|
Author : Nasir Kazmi |
|
Manzoor hai guzaarish-e-ahwaal waaqaee,
Apna bayaan husn-e-tabiat nahi’n mujhe.
|
Author : Mirza Ghalib |
|
Bandish-e-ilfaaz jar ne se nago’n ke kam nahi’n,
Shaairy bhi kaam hai, Aatish, murassa saaz ka.
|
Author : Aatish |
|
Jalwa hai mujhi se lab-e-darya-e-sakhun par,
Sad rang miri mauj hai, mai’n taba-e-rawaa’n hoo’n.
|
Author : Mir Taqi Mir |
|
Khulta kyo’n kisi par mere dil ka muaamla,
Shairo’n ke intekhaab ne ruswa kiya mujhe.
|
Author : Mirza Ghalib |
|