Khoye, toh koee rang nahi_n rang-e-yaar saa,
Samjhe,toh raayegaa_n chaman-aaraee jaati hai.
|
Author : Shahid Jameel |
|
Kya dard-e-hijar, aur kya yeh lazzat-e-wisaal,
Is se bhi kuchh buland mili hai nazar mujhe.
|
Author : Asgher Gondvi |
|
Phir mai_n nazar aaya, na tamaasha nazar aaya,
Jab tu nazar aaya, mujhe tanha nazar aaya.
|
Author : Asgher Gondvi |
|
Niaaz-e-ishq ko samjha hai kya, ai waaiz-e-naadaa_n,
Hazaaro_n ban gaye Kaabe, jahaa_n mai_n ne jabee_n rakh di.
|
Author : Asgher Gondvi |
|
Maana hareem-e-naaz ka paaya buland hai,
Le jaaega uchhaal ke dard-e-jigar mujhe.
|
Author : Asgher Gondvi |
|
Lala-o -gul tum nahi_n ho, maah-o-anjum tum nahi_n,
Rang-e-mehfii ban ke lekin kaun is mehfil mei_n hai.
|
Author : Asgher Gondvi |
|
Kuchh nazar aata nahi_n uske tasawwur ke siwa,
Hasrat-e-deedaar ne aankho_n ko andha kar diya.
|
Author : Aatish |
|
Qulzam-e-ishq mei_n tinke ka sahaara bhi na dhoond,
Aasra woh nahi_n rakhte jo khuda rakhte hai_n.
|
Author : Aatish |
|
Masnad-e-shahi ki hasrat hum faqeero_n ko nahi_n,
Farsh hai ghar mei_n hamaare chaadar-e-mahtaab ka.
|
Author : Aatish |
|
Sheikh Kaaba ho ke pahuncha, hum kanisht-e-dil mei_n ho,
Dard rnanzil ek thi, tuk raah hi ka pher tha.
|
Author : Dard Dehlvi |
|
Hum muwahadd hai_n, hamaara kesh hai tarh-e-rasoom,
Milatte_n jab mit gaiei_n, ijzaa-e-eemaan ho gaiei_n.
|
Author : Aatish |
|
Do neimatei_n hai_n meri, mai_n hoo_n faqir-e-mast,
Ik naan-e-khushk, ek pyaala sharaab ka.
|
Author : Aatish |
|
Faqeeri jis ne ki goya ke us ne baadshaahi ki,
Jise zill-e-huma kahte hai_n, darvesho_n ka kambal hai.
|
Author : Aatish |
|
Jism-e-khaaki ke tale jism-e-misaali bhi hai,
Ek qaba aur bhi hum zer-e-qaba rakhte hai_n.
|
Author : Aatish |
|
Baawar nahi_n abhi tujhe, ghaafil, pe anqareeb,
Maaloom hovega ke yeh aalam fasaana tha.
|
Author : Dard |
|
Haq dhoondne ka apko aata nahi_n warna,
Aalam hai sabhi yaar, kahaa_n yaar na paaya.
|
Author : Mir Taqi Mir |
|
Sarsari turn jahaa_n se guzre,
Warna har ja jahaa_n-e-deegar tha.
|
Author : Mir Taqi Mir |
|
Waaey naadaani ke waqt-e-marg yeh saabit hua,
Khwab tha jo kuchh bhi dekha, jo suna afsana tha.
|
Author : Dard Dehlvi |
|
Madarsa ya dair tha, ya kaaba ya but khana tha,
Hum sabhi mehmaa_n the, ik tu hi saahib-e-khana tha.
|
Author : Dard Dehlvi |
|
Mir us be nishaa_n ko paaya jaan,
Kuchh hamaara agar suraagh laga.
|
Author : Mir Taqi Mir |
|
Apni hi sair kar ne hum jalwagar hue the,
Is ramz ko wa lekin maadood jaante hai_n.
|
Author : Mir Taqi Mir |
|
Arz-o-sama kahaa’n teri wus_at ko pa sake,
Mera hi dil hai woh ke jahaa_n tu sama sake.
|
Author : Dard Dehlvi |
|
Hum aap hi ko apna maqsood jaante hai,
Apne siwaaey kisko maujood jaante hai_n.
|
Author : Mir Taqi Mir |
|
Mit jaae_n ek aan mei_n kasrat numaaiaa_n,
Hum aaeene ke saamne aakar jo hoo kare_n.
|
Author : Dard Dehlvi |
|
Zer-e-niqaab hai bhi koi husn-e-dilfareb,
Ya yoo_nhi ik fareb hai rang-e-niqaab ka.
|
Author : Asar Sehbai |
|
Allah re un ke jalwe ki hairat fizaaiaa_n,
Yeh haal hai ke kuchh nahi_n aata nazar mujhe.
|
Author : Asgher Gondvi |
|
Husn-e-gul ban ke kabhi, naghma-e-rangee_n ban ke,
Dhoond leta hai tera husn-e-khud-aara mujh ko.
|
Author : Asgher Gondvi |
|
Har ek qatre mei_n darya-e-maarfat hai rawaa_n,
Magar naseeb ho kyo_nkar ke pyaas hi kam hai.
|
Author : Jigar Muradabadi |
|
Sargarm-e-tajaili ho ai, jalwa-e-jaanaanaan,
Ur jaae dhooaa_n ban kar, Kaaba ho ke but khaana.
|
Author : Asgher Gondvi |
|
But khaana khod daalieye, masjid ko dhaaieye,
Dil ko na toriey, yeh Khuda ka muqaam hai.
|
Author : Aatish |
|
Ik qatra-e-shabnam par khursheed hai aks aara,
Yeh naisti-o-hasti, afsana hai afsana.
|
Author : Asgher Gondvi |
|
Kaaba se dair, dair se kaaba ko ja chuke,
Kya kya na is dauraahe mei_n hum pher kha chuke.
|
Author : Aatish |
|