Ai gesoo-e-ghazal! Teri zulfon mein chhaon hai
baaqi kisi bhi dhoop mein koi shajar nahin
|
Author : Kalim Akhtar |
|
Mukhalif baad-e-sarsar mein zara lahrane do zulfen
isi mein hum watan ka apne parcham dekh lete hain
|
Author : Kalim Akhtar |
|
Nazar se aasman ko dekhna bhi kiya zaroori hai?
teri zulfon mein jaanam kahkashan hum dekh lete hain
|
Author : Kalim Akhtar |
|
Chehare pe mere zulf ko phailao kisi din,
Kya roz garajate ho baras jao kisi din.
|
Author : Amjad Islam Amjad |
|
Apni Zulfo’n Ko Sitaro’n Ke Havale Kar Do,
Shahar-e-gul badagusaro’n ke havale kar do.
Talkhi-e-hosh ho ya masti-e-idarak-e-junu’n,
Aaj har chiz baharo’n ke havale kar do.
|
Author : Abdul Hamid Aadam |
|
zulfo'n ki to fitrat hai lekin mere pyare
zulfo'n se bhi zyada balkhaye chalo ho
|
Author : Kalim Aajiz |
|
Apni Zulfo’n Ko Sitaron Ke Havale Kar Do,
shahar-e-gul badagusaro’n ke havale kar do.
talkhi-e-hosh ho ya masti-e-idarak-e-junun,
aj har chiz baharon ke havale kar do.
|
Author : Abdul Hamid Aadam |
|
Zaahid ne mira haasil-e-imaa’n nahin dekha,
Rukh par teri zulfo’n ko pareeshaa’n nahi’n dekha.
|
Author : Asgher Gondvi |
|
Tu, aur aaraish-e-kham-e-kaakul,
Mai’n aur andesha-haae door-o-daraaz.
|
Author : Mirza Ghalib |
|
Taarekiaa’n chamak gaiee’n aawaaz-e-dard se,
Meri ghazal se raat ki zulfe’n sanwar gaiee’n.
|
Author : Firaq Gorakhpuri |
|
Balaae’n zulf-e-janaa’n ki agar lete tau hum lete,
Bala yeh kaun leta jaan par, lete tau tum hum lete.
|
Author : Bahadur Shah Zafar |
|
Hum hue, turn hue, ke Mir hue,
Us ki zulfo’n ke sab aseer hue.
|
Author : Mir Taqi Mir |
|
Mauj-e-naseem-e-subah ke qurbaan jaaeye,
Aai hai boo-e-zulf-e-muamber lieye hue.
|
Author : Asgher Gondvi |
|
Tu ne sulajh kar gaisu-e-jaana’n,
Aur barha di dil ki uljhan.
|
Author : Jigar Muradabadi |
|
Ik na ik zulmat se jab wabasta rahna hai, tau Josh,
Zindagi par sayaa-e-zulf-e-pareeshaa’n kyo’n na ho.
|
Author : Josh Malihabadi |
|
Sauda jo un ne baandha zulfo’n mei’n dil, saza hai,
Shairo’n mei’n tu ne uske kyo’n khat-o-khaal baandhey.
|
Author : Sauda |
|
Jab yaar ne utha kar zulfo’n ke baal baandhey,
Tab mai’n ne apne dil mei’n laakho’n khayaal baandhey.
|
Author : Sauda |
|
Ghar se har waqt nikal aate ho khole hue baal,
Sham dekho na miri jaan savera dekho.
|
Author : Hasrat |
|
Neend uski hai, dimaagh uska hai, raate’n uski hai’n,
Teri zulfe’n jis ke baazoo par pareeshaa’n ho gaiee’n.
|
Author : Mirza Ghalib |
|