گزرگاہِ خیال ٹوسٹ ماسٹرزکلب کو کالج آف نارتھ اٹلانٹک قطر میں اعزاز
قطر کے پہلے اردو ٹوسٹ ماسٹرز، گزرگاہِ خیال ٹوسٹ ماسٹرز کلب کو حال ہی میں کالج آف نارتھ اٹلانٹک قطر کے صدر جناب ڈاکٹر کین میکلوڈ کے ہاتھوں اعزاز سے نوازا گیا- اس تقریب کا اہتمام کالج آف نارتھ اٹلانٹک قطر اور ٹوسٹ ماسٹرز ڈویڑن ای نے کیا تھا- اس اعزاز کو گزرگاہِ خیال ٹوسٹ ماسٹرز کلب کے بانی صدر جناب ڈاکٹر فیصل حنیف، خازن منیر احمد، اور معتمد جناب رضوان علی نے ڈویڑن ای کے ناظم جناب نسیم الدین حمید کی موجودگی میں حاصل کیا-
گزرگاہِ خیال ٹوسٹ ماسٹرز، قطر میں پہلا اردو کلب ہے جو اپنی نوعیت کا واحد مرکز ہے جہاں فن تقریر، گفتگو اور قائدانہ صلاحیتوں کو بہتر بنانے کے لیے اردو کے ساتھ انگریزی زبان کو بھی شامل کیا گیا ہے تاکہ انگریزی بولنے والے اردو سے روشناس ہو سکیں اور اردو بولنے والوں پر انگریزی کا باب وا ہو جائے- گزرگاہِ خیال ٹوسٹ ماسٹرز کے عہدیداران، بانی صدر جناب ڈاکٹر فیصل حنیف، نائب صدر شعبہ تعلیم جناب سید عبد الحئی، نائب صدر شعبہ رکنیت جناب ظفر صدیقی، نائب صدر شعبہ مارکیٹنگ جناب افتخار راغبؔ، خازن جناب منیر احمد، معتمد جناب رضوان علی، اور منتظم افتتاحیہ جناب غفران صدیقی سے ہیں-
گزرگاہِ خیال ٹوسٹ ماسٹرزکلب کی رکنیت رنگ و نسل و قومیت کے امیتاز کے بغیر سب کے لیے کھلی ہے- جو صاحبان رکن بننے کی خواہش رکھتے ہوں یا بطور مہمان کلب کی نشستوں میں شمولیت اختیار کرنے میں دلچسپی رکھتے ہوں، فون نمبر 55225482 یا ذیلی ای میل پر مزید معلومات کے لیے رابطہ کر سکتے ہیں
fhanif@hotmail.com
رپورٹ : ڈاکٹر فیصل حنیف
|