donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
mazameen
Share on Facebook
 
Literary Articles -->> Adabi Khabren
 
Share to Aalmi Urdu Ghar
Author : Mohsin Habib
Title :
   Halqaye Adabe Islami Qatar Ka Adbi Ijlas wa Mushayera

حلقۂ ادبِ اسلامی قطر کا ادبی اجلاس و مشاعرہ


    علامہ اقبال علیہ رحمہ فرماتے ہیں

برتر  از  اندیشہء سود و زیاں ہے زندگی
ہے کبھی جاں اور کبھی تسلیمِ جاںہے زندگی

    اسی  طرح  ِ سود و زیاں معاملہ کو سلجھاتے ہوے  مہندر سنگھ بیدی سحر نے کیا خوب کہاتھا

غمِ سود و زیاں سے بے نیازانہ نکلتا ہے
بڑی فرزانگی سے تیرا دیوانہ نکلتا ہے

قطر میں تعمیری ادب کے فروغ کے لیے  دو  دہے  سے سرگرمِ عمل تنظیم حلقۂ ادبِ اسلامی  قطر کے تحت گزشتہ  دنوں ایک پر وقار ادبی اجلاس و مشاعرہ کا انعقاد حلقہ  رفقاے ہند قطر کے مرکزی ہال  جنوبی  مدینہ خلیفہ میںہوا ۔  اس  ادبی  اجلاس میں  قطر  یونیورسٹی  سے  معاشیات  میں  ایم  اے  کرنے  والے  مدنی  عالمِ  دین  مولانا  مصلح  الدین  مصعبؔ  مدنی  بطورِ  مہمانِ  خصوصی  شرکت کی  اور معاشیاتِ  اسلامی  کے تعارف  پر مبنی سیر حاصل مضمون پیش کیا  اور  اردو  ادب کے دیوانوں اور فرزانوں کو  غمِ سود و زیاں سے بے نیازانہ  معاملہ کرنے کے گر سکھائے  جسے تمام حاضرینِ مجلس نے بڑے ہی شوق و انہماک سے سنا ۔  دوحہ قطر کے اردو حلقوں میں معروف  و  مقبول  قطر  یونیورسٹی  میں  ماہرِ  لسانیات  ڈاکٹر  رضوان  احمد  نے  اس  ادبی  اجلاس  ومشاعرہ  صدارت کی  اور  ہندوستان  سے  تشریف  لاے ہوئے  بزرگ  اور  کہنہ  مشق  شاعر  جناب  ظہیر ؔ  صدیقی  نے  بطورِ  مہمان  اعزازی  اس  اجلاس  و مشاعرہ  میں  شرکت  فرمائی۔

    ابتداء  میں  جناب  مولوی  محمد رفیق  شادؔ  اکولوی  کی  تلاوت  کلام  پاک  سے  اس اجلاس ومشاعرہ  کا  آغاز  عمل  میں  آیا  اور حسبِ روایت  دوحہ  کے  علمی  و ادبی  حلقوں  میں نَو وارد  خوش گلو  نعت  خواں  برادر منصور سلطان پوری  اپنی  خوبصورت  مترنم  آواز  میں  ایک  مشہور  نعت پیش  کی جس  پر  انہیں سامعین کی جانب  سے  بھرپور  داد  ملی۔ نعت  کے  بعد  صدر حلقہٗ ادبِ  اسلامی  جناب  ابو  عروج  خلیل  احمد  صاحب  نے  خطبہٗ  استقبالیہ  کے  ذریعہ  صدر   و مہمان  اور  حاضرین  کا  پُرجوش  استقبال کیا  اور  قطر  میں  سرگرم ِ  عمل  تمام  علمی  وادبی  تنظیموں  اور  اداروں  کے  ما  بین  عملی  ربط  اور   با ہمی  تعاون  کی  اہمیت  وضرورت  کی  وضاحت  کی  اور  کہا  کہ  ہم  تمام  آپس  ہم  سفر  اور  رفقاء  کار  ہیں ۔  صدرِ  حلقہ  کے  اس  مختصر  مگر   مفید  اور  مثبت  خطبہ ٗ  استقبالیہ  کے  بعد  صدر  اجلاس  کی  اجازت  سے  آج  کے  اجلاس  ومشاعرہ  کا  باقاعدہ  آغاز  عمل  میں  آیا ۔  اجلاس ومشاعرہ  کی  نظامت  حلقہ  کے  پُر جوش  ومتحرک  سیکریٹری  اور ادبِ اسلامی  کے نمائندہ  نوجوان  شاعر  جناب مظفر  نایابؔ  اپنے  منفرد  انداز  میں   ادا  کر ر ہے  تھے۔  نایاب ؔ  نے  نظامت  کا  اپنا  ایک  منفرد  اور  اثر  انگیز  اسٹائل  یہاں  کے  ادبی  حلقوں  میں  متعارف  کروایا  اور  اس  منفرد  اسٹائل  کو  برقرار  رکھنے  میں  وہ  پوری  طرح  کامیاب  بھی رہے ہیں۔  وہ  ہر شاعر  یا  ادیب   و مقالہ  نگار  کو  بلانے سے قبل  یا  بعد میں  کسی  معروف ومشہور  شاعر  کا  وہ  کلام  تسلسل  کے ساتھ  پیش  کرتے ہیں  جو  بظاہر عام  نہیں ہوتا  اور اس  مشہور  ومعروف  شاعر کا  کوئی دوسرا  ہی پہلو  سامعین  کے  ذہنوں میں  ہوتا  ہے ۔  چنانچہ  حسب ِ  روایت  اس  مرتبہ  جب  وہ  یکے بعد دیگرے  ایک  معروف مزاحیہ شاعر  اکبر الہ آبادی کا  انتہائی  سنجیدہ  کلام  تسلسل  کے  ساتھ پیش  کرتے  جارہے  تھے  اور سامعین  سے اس معروف  شاعر  کے  بارے  میں  استفسار کر رہے تھے  جبکہ سامعین  مشاعرہ  کے  اختتام تک  ایک  تجسس کے  عالم  میں  غلطاں  وپیچاں  رہے  اور آخر  میں  نایابؔ  نے  جب شاعر  کا   نام  بتایا  تو  سب  کے منہ  حیرت  واستعجاب  کے  ملے جلے  جذبات  سے  کھلے  کے  کھلے  رہ  گئے ۔  

حلقہ  ادب ِ  اسلامی  کی  ابتداء  سے  یہ  روایت  رہی  ہے  کہ  یہا  ں ادب  کی  دونو ں  اصناف  نثر  ونظم  کو  متواتر  پیش  کیا   جاتا  رہا  ہے  اور  یہ  قدیم  روایت  حلقہ میں  آج  تک  عملاً  برقرار  ہے۔لیکن  یہاں  نایاب ؔ  کی  نظامت  کی  طرح  ایک  منفرد  بات  ہوئی ۔  وہ  یہ  کہ  آج  یہاں  حسبِ  روایت  کوئی  ادبی  مضمون  یا  شخصی  خاکہ  وغیرہ  کے  بجائے  ایک  ایسا  مضمون  سامعین  کے  سامنے  حلقہ  کے  ذمہ  داروں  کی  جانب  سے  مولانا  مصلح  الدین  مصعب  کے   ذریعہ  پیش  کیا  گیا  جو  عنوان  اور موضوع  دونوں  اعتبار  سے  بالکل  منفرد  اور  اچھوتا  تھا ۔  مضمون  کے  عنوان  ہی  سے  آپ  کو  اندازہ  ہو  جائے گا  کہ  یہ  موضوع  کس قدر  اہم  ہے   اور کس  قدر  ضرورت  ہمیں  اس  طرح  کے  موضوعات  کی   ہے۔  معاشیاتِ  اسلامی  کا  تعارف  اسلامک  فینانس  کا  تعارفی  ۔ مضمون  جس  قدر  اہم  تھا  فاضل  مقالہ  نگار  نے  اپنے  دقیق  اور  تحقیقی  مقالہ میں  معیشت  کی  مختلف  اقسام  اور  معاشیاتِ  اسلامی  کی  ضرورت  واہمیت  کو   بڑے  ہی  سادہ  طریقے  سے  سامعین  کے  سامنے  پیش کیا  جسے  بہت  سراہا  گیا  اور  مولانا  کو  تسلسل  کے  ساتھ  اس  موضوع  پر  اسی  طرح  کے  تحقیقی  مضامین  پیش  کرنے  کی  گزارش  کی  گئی  جسے  برادرِ موصوف  نے  بخوشی  قبول  کیا  اور  حلقہ  کے  مختلف  پروگراموں  میں  اپنی  شرکت  اور  اپنے  علمی  تعاون  کا  تیقن  بھی  دیا۔  بقول شاعر :۔

نہ سود ہے نہ زیاں حاصلِ وفا کیا ہے
وفا پرست نہ میں ہوں نہ وہ برا کیا ہے

ڈاکٹر  رضوان  نے  اپنے  صدارتی  خطاب   میں  اردو  زبان  کی  زبوں  حالی  اور  عملی  طور  پر  اس  میٹھی  اور  شیریں  زبان  کی  کسمپرسی  پر  اپنے  کہرے  رنج  کا  اظہار  فرمایا  اور  ساتھ  ہی  آپ  نے  اس  کے  آفاقی  و  بین  الاقوامی  پیش  رفت کو  بھی  خوش آئند  قرار  دیا ۔  آپ  نے  حلقہ  کے  پروگراموں  میں  شرکت  حلقہ  ادبِ  اسلامی  سے  اپنی   درینہ  وابستگی  کو  اپنے  لئے  باعثِ  شرف  وعزت  بتایا ۔  

مہمانِ  اعزازی  جناب  ظہیر ؔ  صدیقی  نے  قطر  جیسے  ایک  عرب  ملک  میں  اس  طرح  کی  ادبی  تقریب  کا  انعقاد  اور  اتنے  اچھے  پیمانے  پر  بڑی  خوش  آئند اور  اردو  کے  روشن  مستقبل  کی  دلیل  سمجھی  جانی  چاہیے۔  آپ  نے  حلقۂ ادبِ اسلامی قطر میں  شرکت  کو  اپنے  لیے   باعث ِ  عزت  اور  اس  ادبی  تقریب  کے  معیار  کو  اردو  حلقوں  کے  لیے  نمونہ  قرار  دیا۔

جن  شعراء  کرام  نے  اپنا  کلام  سنایا  ان  میں  جلیلؔ نظامی  ٗ  عتیق  انظرؔ  ٗ  شاد ؔ  اکولوی  ٗ  افتخار  راغبؔ  ٗ  مظفر  نایابؔ ٗ  محسن ؔ  حبیب  ٗ رویس  ممتاز ؔ ٗ   راقمؔ  اعظمی  اور  شریف  پروازؔ  وغیرہ  شامل  تھے۔

آخر میں  حلقہ  ادب ِ  اسلامی  کے  سابقہ  معتمدِ عمومی جناب  محسن ؔ  حبیب  نے  اجلاس  و مشاعرہ  کے کامیاب  انعقاد پر  سب  سے پہلے  اللہ  رب  العالمین  کا اور پھر  تمام شعرا ء  و مہمانان کا شکریہ ادا کیا  اور  برادر  مصلح  الدین  مصعبؔ  سے  حلقہ  کے  پروگراموں  میں اپنے  تعمیری  ٗ اصلاحی  اور  تحقیقی  مضامین  کو  پابندی  سے  پیش  کرنے  کا  وعدہ  لیا  جسے برادرِ  موصوف  نے بسروچشم  قبول  کیا۔  سابقہ  معتمدِ عمومی   نے حاضرین  سے  بالخصوص  گزارش  کی  کہ  وہ  حلقۂ  ادبِ اسلامی  کے  ماہانہ  منعقد ہونے والے  اس  ادبی  اجلاس   ومشاعرہ  میں  خود  پابندی سے  شریک  ہونے  کے ساتھ ساتھ  اپنے دوست  احباب  کو  بھی  اپنے  ساتھ  لانے کی  کوشش  کریں  تاکہ  یہ  معیاری  اور  تعمیری  واصلاحی  ادارہ   صالح  اور  تعمیری  ادب  کی  خدمت  کرتا  رہے  اور  اس اپیل  کے  ساتھ  ہی  ؔ جنابِ صدر کی اجازت سے پروگرم کے اختتام کا اعلان کیا گیا  ۔  اور ساتھ ہی  مختصر  لذتِ کام  و  دہن  کی   طرف  اشارہ  کیا  ۔  برادرم  راغب ؔ  کی  اپیل  پر  سارے لوگ  اجتماعی  تصویر  [گروپ  فوٹو]   لینے   کھڑ ے   ہو  گیے ۔  نمایاں شرکاء  میں  جناب   سید  عبد  الحئ  ٗ جناب  شمس الدین  رحیمی  ٗ  جناب  محمد آصف‘   جناب  عبد  الحکیم ٗ  جناب  محمد  اشفاق  سلفی  ٗ جناب  محمد فیاض ٗ  برادر عبد القوی کے  علاوہ  دیگر  افراد  شامل تھے۔

یہاں  اس  بات  کا  تذکرہ  ضروری  معلوم  ہوتا  ہے  کہ  حلقہ  کی  اس  ادبی  نشست  کی  روداد  ریڈیو  قطر  پر  محترمہ  عائشہ  مجاہد  کے ہفتہ  وار  پروگرام  ادبی  مجلہ  میں ہر  تیسرے  بدھ  کو  نہایت  اچھے  انداز  میں  مفصل  پیش  کی  جا  رہی  ہے  ۔  جس  کے  لئے  حلقۂ ادبِ  اسلامی‘   ریڈیو  قطر  کی  اردو  سروس  اور  محترمہ  عائشہ  مجاہد  کا  بیحد  شکر  گزار  ہے۔

استفادہٗ  عام  کے لیے  منتخب  شعراء  کے  منتخب  کلام  سے  پیش  خدمت  ہیں:

 

جلیلؔ نظامی:  محفلِ  شعر وسخن  بے  رنگ   ہے کب  سے جلیلؔ            جانے  وہ  محفل 

کہاں   وہ  بزم   آرا   ہے  کہاں

 

  عتیق انظرؔ   :    سلیقے   سے    اس   نے   بنایا    ہمیں            تو    پھر   خاک     میں 

کیوں   ملایا     ہمیں

 

  شادؔ اکولوی  :     اک  ایک   قطرہ   پہ  ہو گا   حساب   پانی  کا            بشر   جہاں  میں

   میں   ہے  گویا    حباب    پانی   کا

 

  ظہیر ؔ صدیقی  :   سب  جانتے   ہیں  صبح   میں  نکلے  گا   آفتاب              فی   الحال 

  مسئلہ   ہے   یہ   شب    بسًر     تو    ہو

 

   افتخار  راغب  :  آپ  اب  ہم  سے  ہماری  خیریت  مت  پوچھئے        آدمی  خود   کا   کہاں 

  رہتا   ہے   دل    جانے   بعد

 

   محسنؔ حبیب  :   سپاہِ  خیر  کا  یہ   انتظارِ  بیکراں  کب  تک              اٹھے  انساں  کی

  بستی  سے  صدائے  الاماں  کب  تک

 

   مظفرؔ   نایاب   : گرمئی حسن  کے جب  اس نے  ستارے  ٹانکے      تپشِ شوق 

نے  ہر  ذرًے پہ  اک  دِل      باندھا


             پا  بہ  زنجیر  سخنور   سے   یہی   تھی    امید       اس  نے    نایابؔ   کو    پابندِ

سلاسل     باندھا

 

  رویس  ممتازؔ  :        یوں بھی  مزدور  کی  غمخواری  کوئی  کرتا  ہے     تم  مسیحا  ہو  کہ

  کچھ   اور   ہو   دل   ڈرتا   ہے

 

  راقم  ؔ اعظمی  :      :  اسی  کے  ذکر   میں  رہتا  ہوں  ہر  گھڑی  مشغول          وہ   ایک 

  رب   جو   ہمارا  بھی  ہے   تمہارا   بھی

 

شریف  پروازؔ  :      :  ہم   بنجارے  بستی  بستی  اپنی   ہاٹ   لگاتے  ہیں          مول  ملے  تو

  سودا  کیسا  ہم  خود  ہی  بکِ  جاتے  ہیں


رپورٹ:  محسن ؔ  حبیب

سابق جنرل سکریٹری ، حلقہ ادبِ اسلامی

دوحہ قطر

**************************

 

 

 

Comments


Login

You are Visitor Number : 618