آرٹس کونسل آف پاکستان کراچی میں تسلیم الٰہی زلفی کی تقریبِ پزیرائی
کینیڈا کے مہمان ادبی اسکالر کو سحر انصاری‘ فاطمہ حسن‘ جاویدمنظر اور احمد شاہ کا خراجِ تحسین
کراچی (خصوصی رپورٹ) آرٹس کونسل آف پاکستان کراچی کے جرنل سیکریٹری احمد شاہ اور ان کے رفقائے کار نے کینیڈا سے تشریف لانے والے فنونِ لطیفہ کے ادبی اسکالر تسلیم الٰہی زلفی کے ساتھ ایک یادگار اور پرہجوم شام کا اہتمام اپنے کشادہ اور آراستہ آڈیٹوریم میں کیا۔جس میں شہر کراچی کے تمام معروف اہلِ قلم اور باذوق خواتین و حضرات نے بڑی تعداد میں حصہ لیا۔ اس موقع پر صدرِ محفل پروفیسر سحر انصاری‘ انجمن ترقیٔ اردو پاکستان کراچی کی معتمدِاعزازی ڈاکٹر فاطمہ حسن‘ ڈاکٹر جاویدمنظراور احمد شاہ نے کینیڈا کے مہمان کو بھر پور خراجِ تحسین پیش کیا۔آخر میں مہمان تسلیم الٰہی زلفی نے اس والہانہ پزیرائی کے لئے اپنے میزبانوں اور مقررین کا شکریہ ادا کرتے ہوئے اپنے تازہ کلام سے نوازا۔
٭٭٭
|