ماتھے پر جھومرچمکے

زیورات سے سجی دلہن کی نرالی چھب اسے منفرد بناتی ہے
    دلہن کا تصور کرتے ہی ایک سجی سجائی زیورات سے لدی ہوئی دو شیزہ کی شبیہ ذہن میں ابھرتی ہے آرائش وزیبائش ہر دور کی عورت کی کمزوری رہی ہے اس لئے رنگ برنگے پہناوے اورمختلف انداز کے زیورات وہ اپنی خوبصورتی میں اضافہ کیلئے استعمال کرتی رہتی ہیں۔ شادی بیاہ کی تقریبات میں یوں تو سب خواتین اور لڑکیاں اپنی بساط بھر تیاری کرتی ہیں، سجتی سنورتی رہتی ہیں اور دوسروں سے نمایاں نظر آنے کے لئے کوشاں ہوتی ہیں لیکن شادی کی تقریب کی سب سے اہم شخصیت دلہن ہی ہوتی ہے جسکی تیاری اورخاص چھب اسے رونق محفل کا مقام عطا کرتی ہے۔ تقریب میں اگرچہ دیگر خواتین اورلڑکیاں بھی زیورات پہنتی ہیں لیکن دلہن کے زیورات سب سے منفرد انداز لئے ہوتے ہیں۔ وہ سرسے پائوں تک زیورات میں لدی نظر آتی ہیں۔ پازیب سے لیکر ٹیکے اور جھومر تک ہر زیور دلہن کی شخصیت کو چار چاند لگادیتا ہے۔ 

*******************