کرسی پر جھولا جھولیں اور آئی پیڈ چارج کرلیں
سوئزر لینڈ کے ڈیزائنروں نے ایک ایسی جھولنے والی کرسی
(RockingChair) بنائی ہے جو جھولنے کی حرکت سے توانائی پیدا کرتی ہے اور اس توانائی سے آپ اپنا Phone یا Ipiad چارج کرسکتے ہیں۔ اس کرسی کی نشست میں جسے Rockکانام دیاگیا ہے، ایک بلٹ ان جنریٹر لگایا گیا ہے جو کرسی کی آگے پیچھے کی حرکت کو بجلی میں تبدیل کردیتا ہے۔ یہ کرسی سوئیڈن کے صنوبر کے درختوں سے حاصل ہونے و الی لکڑی سے بنائی گئی ہے۔ اس میں ’’راکنگ چیئر ‘‘کی تمام روایتی خوبیاں موجود ہیں تاہم د ستے کے ساتھ آئی پیڈ کے لئے ایک اضافی اسٹینڈ بھی لگایا گیا ہے۔ اس پینٹ شدہ کرسی پر جہاں پیٹھ کو ٹکایا جاتا ہے ، دونوں سرے پر بلٹ ان اسپیکر ز بھی لگائے گئے ہیں جن سے آپ ریڈیو یا یوٹیوب کے ویڈیو کی آواز بھی سن سکتے ہیں۔ کرسی بنانے والوں کا دعویٰ ہے کہ اگر آپ ایک گھنٹے تک کرسی پر جھولتے رہے تو اس عرصے میں آپ کا آئی پیڈ 35 فیصد کی حد تک چارج ہوجائے گا۔ آپ اس اسٹینڈ پر آئی پیڈ کے علاوہ ایپل کے دوسرے آلات بھی چارج کرسکتے ہیں۔ یہ کرسی گھومنے والی میگنزم استعمال کرتی ہے اور اس کے ساتھ گراریاں بھی استعمال کی جاتی ہیں تاکہ اتنی طاقت ملے جس سے جنریٹر چل سکے۔ اگر چہ یہ کرسی بطور نمونہ تیار کی گئی ہے اور کمرشیل بنیادوں پر اس کی تیاری شروع نہیں ہوئی ہے تاہم زیورخ میں قائم اس کرسی کے ڈیزائنرز نے تخمینہ ظاہر کیا ہے کہ اس کی قیمت 1300یورو (1038) پائونڈ رکھی جائے گی جو یقینا بہت سے پنشروں کے لئے ایک بھاری رقم ہوگی۔
****************
|