ریفریجریٹر کی ضرورت نہیں 

مشروب خود ٹھنڈا ہوگا

    اب مشروبات کو یخ بستہ کرنے کے لئے ریفریجریٹرز کی ضرورت نہیں رہے گی کیونکہ یہ خود ٹھنڈے ہوجایا کریں گے ۔ برطانیہ میں خود ٹھنڈا ہونے والا مشروب اسی سال فروخت کے لئے پیش کیاجائے گا۔ اس سے ماحولیاتی تحفظ میں مددملے گی ۔ ڈبے یا بوتل کے نیچے دو بٹن لگے ہیں۔ جنہیں دبانے سے یہ ٹھنڈی ہوجاتے ہیں۔ یوں مشروب محض دومنٹوں میں حاصل ہوجاتا ہے۔ بٹن دبانے سے کاربن ڈائی آکسائیڈ خارج ہوتی ہے جو ایک کیپسول میں ہوتی ہے۔ یہ ڈبے یا بوتل کو ٹھنڈا کردیتی ہے۔ یہ دنیا میں اپنی نوعیت کی پہلی ٹکنالوجی ہے۔ اسے کسی بھی مشروب کے لئے استعمال کیا جاسکتا ہے ۔ پروفیسر رولینڈ کلفٹ ’’چل کین ‘‘ کے موجدوں میں شامل ہیں۔ وہ اس تلاش میں تھے کہ مشروبات ٹھنڈا کرنے کے لئے ریفریجریٹرز کا ماحول دشمن طریقہ ترک کیاجائے۔ انہوںنے ناریل کے چھلکے سے کاربن حاصل کرکے المونیم کے کیپسول میںبند کردی جس بٹن کو دبایا جاتا ہے تو پر یشر کے ساتھ کاربن ڈائی آکسائیڈ خارج ہوتی ہے۔ یہ پکنک ، سیاحت وغیرہ پرلے جانے کے لئے بہترین ہے۔ 

*******************