زیتون کا استعمال کریں بیماریوں سے دوررہیں
قدیم یونان کے لوگ زیتون کو امن کے نشان کے طورپر استعمال کرتے تھے تاہم یہ پھل اپنی غذائیت کے اعتبار سے بھی بے حد اہم ہے ، اسپین کے سائنسی وطبی ماہرین نے ایک حالیہ تحقیق سے ثابت کیا ہے کہ زیتون کا تیل آرتھرائٹس اور دل کے امراض کا باعث بننے والے جین کو ناکارہ کردیتا ہے۔ محققین کے مطابق زیتون کے استعمال کے صحت سے جڑے فوائد دراصل اس کے کئی بیماریوں سے جڑے جین میں تبدیلی لاکر اور ناکارہ بنانے سے ہی سامنے آتے ہیں۔ کھانوں میں زیتون کے تیل کا استعمال خون میں موجود شکر اور چکنائی کی سطح کو بڑھنے نہیں دیتا اور جسم میں بیماریوں کے خلاف مدافعتی نظام کو بھی مستحکم بناتا ہے۔ ماہرین نے اپنی اس تحقیق میں 100ایسے جینز کا مطالعہ کیا جوجسم میںمختلف اقسام کی بیماریوں کو بڑھاوا دیتے ہیں تاہم زیتون کے تیل کے استعمال سے یہ کمزور اور ناکارہ ہوجاتے ہیں۔
**********************
|