|
بیسویں صدی کا سقراط- جون ایلیاء
یوں پُکاریں ہیں مجھے کوچہ ے جاناں والے
(ادھر آ بے، ابے و چاک گریباں والے ( میر تقی میر
دسمبر 1931 کو امروہہ میں پیدا ہوۓ ، 8 نومبر 2001 ، کراچی میں وفات پائ۔ 7 برس کی عمر میں پہلا شعر کہا،
پورا نام ، سیّد جون اصغر نقوی اور سلسلہ نصب بزرگ صوفی حضرت شرف الدین شا ہ ولایت سے ملتا ہے۔ والد ِ محترم علامہ شفیق حسن ایلیاء ایک عالم بہ عمل تھے، فارسی، عربی،عبرانی، سنسکرت اور انگریزی پر عبور رکھتے تھے۔ آپ
مشہور شاعر ریئس امروہی و فلسفی، سابق مدیر اخبار جنگ محمد تقی کے چھوٹے بھائ تھے۔ پاکستان زرا دیر سے آۓ
کیوں ایک بہن بھارت ہیں ہی تھیں، انکی شادی کے بعد انہیں زبرستی پاکستان بھیج دیا گیا۔
محلّے کے مدرسے سے ابتدائ تعلیم حاصل کی ۔ دارلعوم " ملّہہ نہ" سے فلسفے اور منطق میں فضیلت کی ، پھر دارالعلوم "چلّہ" سے آداب اللفتہ العربیہ کا درس لیا ۔عربی ادب اور فلسفہ میں علماۓ کرام دیو بند سے بھی بڑا فیض حا صل کیا۔اتنا کچھ کرنے کے بعد بھی دارالعلوم سیّد المدارس میں منقولات و معقولات کی فراغت پائ اور سیّد الافضل کی سند حاصل کی ، ساتھ ہی الہٰ باد بورڈ سے کامل فارسی اور مولوی عالم کی اسناد حاصل بھی کیں۔
پیشہ ورانہ زندگی کا آغاز امروہہ میں درس و تدریس سے کیا۔ کچھ دن بعد کراچی چلے آے۔
کراچی میں مختلف حیثیتوں میں درس و تدریس و انشاء پرداذی پر کام کی متعدد جراید و رسائل میں کام کیا ، نیز اپنا جریدہ "انشاء" کے نام سے جاری کیا اور کیئ سال جاری رکھا۔ اپنے فن، سخن وری ، انشاء پردازی میں عالمی عالمی شہرہ حاصل کیا۔
جون صاحب چونکہ صرف شاعر ، فن کار و سخن ور، عالم فاضل درویشانہ طبعیت کے مالک تھے ۔ منفرد طرز ِ فکر کے انسان، طمع، حرص و ہوا سے کوسوں دور، دنیا داری سے قطعی نا بلد بلکہ یہ کہنا ذیادہ بہتر ہو گا کہ دنیا داری سے نفرت کرتے تھے اور اسے انتہائ حقارت کی نگاہ سے دیکھتے تھے۔ اس لیے وہ مادئ دولت حاصل نہ کر سکے جو اگر چاہتے تو انکے بایئں ہاتھ کا کام تھا،
جسے پیار کرتے اُسے ہمیشہ "جانی" کہ کر پُکارتے تھے ۔
سر میں سودا، فکِر امروز و فردا کے تعاقّب میں سرگرداں ، وحشت پہچان، آگہی کا عزاب ان کے لیے عزابِ جاں ۔ایک عامی ناظر حیران و پریشان، بندہ شناسا انسان ان کا دوست ، دوست و شمن کے فرق سے نا آشنا۔ میر کے بعد دوسرا شاعر جو مبتلا ۓ جنوں رہا۔
اگر آپ نے جون کو دیکھا نہیں تو آپ نے کویء مشکل آدمی نہیں دیکھا۔ اردو، عربی، فارسی ، عبرانی زبانوں کے ماہر،انگریزی بھی بُرئ نہیں، فلسفہ، منطق ، ریاضی ، تاریخ ، مذاہب عالم پر کامل عبور، انشای پرادازی کا استاد، قلندرانہ و درویشانہ صفات فطرتِ ثانیہ۔
جون آگہی کا صیّاد، عقل پےحاکم، خرد کے حدود میں جنون کی حد تک رسائ، ، فلسفہ میں اس اقبال کے بعد سب سے بڑا مشرق و مغرب کے فلسفے و فلسفیوں پر دسترسِ کامل رکھنے والا انسان تھا۔
اکتوبر 1970 کو مشہور خاتون صحافی ذاہدہ حنا سے پسند کی شادی کی ، تین بچے، دو بیٹیاں اور ایک بیٹا- زریون ایلیا پیدا ہوے۔ شادی ذیادہ کامیاب ثابت نہ ہو سکی اور 1986 میں علحیدگی( قطع تعلّق) ہو گیا۔ اس کے بعد جون صاحب برباد ہو کر رہ گیے۔ انتہائ حساس طبیعت تھی ، یہ صدمہ جھیل نہ سکے اور مر گیے، ہاں انتقال 2001 میں ہوا۔
ہم یہ نہیں کہتے کہ موصوف بشری کمزوریوں سےمبرّا تھے ، اگر صرف خامیاں ہی نکالنا مقصد ہو تو موصوف کے دوست و دشمن شاید سینکڑوں برائیا ں نکال دیں اور پھر بھی اُن کے من کی پیاس نہ بجھے۔
وجہ یہ ہے کہ آج کی دنیا میں عموما" اور تیسری دنیا میں خصوصا" ہر شعبہ ہا ۓ زندگی میں ڈھڑلے سے سچ کا اشتہار اور جھوٹ کا کاروبار ہو رہا ہے ، صحافت یا قلم قبیلہ بھی اس سے مبرّا نہیں۔
اس لیے، میرا ان خامیاں نکالنے والوں کو جون صاحب کی طرف سے جواب ہو گا کہ برایئاں جتانے سے پہلے،
" تم وہاں تک آ تو جاؤ ، ہم جہاں تک آگیے"۔( پورا شعر یا د نہیں آ رہا، کوئ حبیب لکھ بھیجے تو ممنون رہوں گا)۔
آخر میں ایک فقرہ لکھنا چاہوں گا، جو میر ا مدعا مکمل کر دے گا، یہ فقرہ خود جون بھائ نے فرمایا اور آپ کی کتاب
"فرِ نود "کے پشت پر درج ھے۔ یہ ایک جملہ جون کے دریا کو کوزے میں بند کرنے کے لیے کافی ہے، فرماتے ہیں، " ہم ہزار برس سے تاریخ کے دستر خوان پر حرام خوری کے سِوا کچھ نہیں کر رہے "
منتخب اشعار
تاریخ ِ روزگار ِ فنا لکھ رہا ہوں میں
دیباچہء وجود پہ لا لکھ رہا ہوں میں
۔۔۔۔۔۔۔۔۔۔
میری عقل و ہوش کی سب حالتیں
تم نے سانچے میں جنوں کے ڈھال دیں
کر لیا تھا میں نے عہدَ ترکِ عشق
تم نے پھر بانہیں گَلے میں ڈال دیں
۔۔۔۔۔۔۔۔۔۔۔۔۔
سال ہا سال اور اک لہحہ
کوئ بھی تو نہ ان میں بَل آیا
خود ہی اک در پے میں نے دستک دی
خود ہی لڑکا سا میں نکل آیا
۔۔۔۔۔۔۔۔۔۔۔۔۔۔۔
ہے سینے میں عجب اک حشر برپا
کہ دل سے بیقراری جا رہی ہے
میں پیہم ہار کر یہ سوچتا ہوں
وہ کیا شے ہے جو ہاری جا رہی ہے
وہ سیّد بچہ ہو ، اور شیخ کے ساتھ!
میاں عزت ہماری جا رہی ہے
ہے پہلو میں ٹکَے کی اک حسینہ
تیری فُرقت گزاری جا رہی ہے
۔۔۔۔۔۔۔۔۔۔۔۔۔
تیرے بغیر مجھے چین کیسے پڑتا ہے
میرے بغیر تجھے نیند کیسے آتی ہے
۔۔۔۔۔۔۔۔۔۔۔۔۔۔۔۔۔۔۔۔
بے دِلی !کیا یوں ہی دن گذر جایئں گے
صرف زندہ رہے ہم تو مر جایئں گے
کتنے دلکش ہو تم کتنا دل جُو ہوں میں
کیا ستم ہے کہ ہم لوگ مَر جائیں گے
۔۔۔۔۔۔۔۔۔۔۔۔۔
حالتِ حالت کے سبب حالتِ حال ہی گئ
شوق میں کچھ نہیں گیا، شوق کی زندگی گئ
۔۔۔۔۔۔۔۔۔۔۔۔۔۔۔۔۔
جو رعنای نگاہوں کے لیے فردوس ِ جلوہ ہے
لباسِ مفلسی میں کتنی بے قیمت نظر آتی
یہاں تو جاذبیت بھی ہے دولت ہی کی پَروَردَہ
یہ لڑکی فاقہ کَش ہوتی تو بَدصُورت نَظر آتی
۔۔۔۔۔۔۔۔۔
بے قراری سی بے قراری ہے
وصل ہے اور فراق طاری ہے
جو گذاری نہ جا سکی ہم سے
ہم نے وہ زندگی گذارئ ہے
بن تیرے مجھے نیند کیوں نہیں آتی
کیا میری نیند بھی تہھاری ہے؟
حادثوں کا حساب ہے اپنا
ورنہ ہر آن سب کی باری ہے
۔۔۔۔۔۔۔۔۔۔۔۔۔
عمر گذرے گی امتحان میں کیا؟
داغ ہی دیں گے مجھ کو دان میں کیا
میری ہر بات بے اثر ہی رہی
نقص ہے میرے کچھ بیان میں کیا
مجھ کو تو کوئ ٹوکتا بھی نہیں
یہ ہی ہوتا ہے خاندان میں کیا
وہ ملے تو یہ پُوچھنا ہے مجھے
اب بھی ہوں میں تیری امان میں کیا
ہے نسیمِ بہار گرد آلود
خاک اُڑتی ہے اُس مکان میں کیا
یوں جو تکتا ہے آسمان کو تُو
کوئ رہتا ہے آسمان میں کیا
یہ مجھے چین کیوں نہیں پڑتا
ایک ہی شخص تھا جہان میں کیا
۔۔۔۔۔۔۔
کوی حالت نہیں یہ حالت ہے
یہ تو آشوبناک صورت ہے
انجمن میں یہ میری خاموشی
بُردباری نہیں ہے وحشت ہے
طنز پیرایہء تبسّم میں
اس تکلّف کی کیا ضرورت ہے
گرم جوشی اور اس قدر کیا بات
کیا تمہیں مجھ سے کچھ شکایت ہے
اب نکل آؤ اپنے اندر سے
گھر میں سامان کی ضرورت ہے
ہم نے جانا تو ہم نے یہ جانا
جو نہیں ہے وہ خوبصورت ہے
لوگ مصروف جانتے ہیں مجھے
یا میرا غم ہی میری فرصت ہے
آج کا دن بھی عیش سے گذرا
سر سے پا تک بدن سلامت ہے
۔۔۔۔۔۔۔۔۔۔۔۔۔۔۔
ہم ہیں رسوا کُنِ دلّی و لکھنوء
اپنی کیا زندگی اپنی کیا آبرو
میر دلّی سے نکلے گیے لکھنوء
، تم کہا ں جاؤ کے ہم کہاں جایئں گے
۔۔۔۔۔
ایک ہی مژدہ صبح لاتی ہے
دھوپ آنگن میں پھیل جاتی ہے
فرش پر کاغذ اُڑتے پھرتے ہیں
میز پر گَرد جمتی جاتی ہے
سوچتا ہوں کہ اس کی یاد آخر
اب کسے رات بھر جگاتی ہے
اُس سراپا وفا کا فرقت میں
خاہشِ غیر کیوں ستاتی ہے
کیا ستم ہے کہ اب تیری صورت
غور کرنے پہ یاد آتی ہے
کون اس گھر کی دیکھ بھال کرے
روز اک چیز ٹوٹ جاتی ہے
۔۔۔۔۔
اک گلی تھی جب اُس سے ہم نکلے
ایسے نکلے کہ جیسے دم نکلے
کوچہ آرزو جو تھا اُس میں
زلفِ جاناں طرح کے خم نکلے
جو پھرے در بدر یہاں وہ لوگ
اپنے باہر بہت ہی کم نکلے
آگ اس شہر میں لگی جس دن
سب سے آخر میں یہاں سے ہم نکلے
۔۔۔۔
جو سب کچھ محو کر دیتا ہے دل سے
وہ نشہ کچھ ذیادہ کر لیا کیا؟
بہت نزدیک آتے جا رہے ہو
بچھڑنے کا ارادہ کر لیا کیا
۔۔۔۔۔۔
حالتِ حال کے سبب حالتِ حال ہی گئ
شوق میں کچھ نہیں گیا شوق کی زندگی گئ
بعد بھی تیرے جانِ جاں دل میں رہا عجب سماں
یاد رہی تیری یہاں پھر ، تیری یاد بھی گئ
ایک ہی سانحہ تو ہے اور وہ یہ کہ آج تک
بات نہیں کہی گئ بات نہیں سنی گٰئ
اُس کی اُمیدِ ناز کا ہم سے مان تھا کہ آپ
زندگی گذار دیجیے زندگی گذار دی گئ
اُس کے وصال کے لیے اپنے کمال کے لیے
حالتِ دل کہ تھی خراب اور خراب کی گئ
اُس کی گلی سے اُٹھ کہ میں آن پڑا تھا اپنے گھر
ایک گلی کی بات تھی اور گلی گلی گئ
تیرا فراق جانِ جاں عیش تھا کیا میرے لیے
یعنی تیرے فراق میں خوب شراب پی گیی
اور اب آخر میں اس فسوں کار، شوریدہ سر کی وہ غزل ، جسے جون کا اپنا مرثیہ کہ سکتے ہیں، دارِ فانی سے رخصت سے کچھ عرصہ قبل کہا تھا، اُنہیں معلوم تھا کہ یہ کام اُن سے اچھا کون کر سکے گا، اس لیے دوستوں کا کام بھی جون بھایئ خود ہی کر گیے
شوق کا رنگ بجھ گیا یاد کے زخم بھر گیے
کیا میری فصل ہو چکی کیا میر ے دن گذر گیے
شام ہے کتنی بے تپاک شہر ہے کتنا سہم ناک
ہم نفسو!کہا ں ہو تم، جانے سب کدھر گیے
پاسِ حیات کا خیال ہم کو بہت بُرا لگا
پس بہ ہجومِ معرکہ جان کہ بے سپر گئے
میں تو صفوں کے درمیاں کب سے پڑا ہوں نیم جاں
میرے تمام جاں نثار میرے لیے تو مر گیے
شاہدِ روزِ واقعہ صورتِ ماجرا ہے کیا
کتنے جتھے بکھر گیے کتنے ہجوم مر گیے
خوش نَفسانِ بے نَوا !بخیرانِ خوش ادا
تیرہ نصیب تھے مگر شہر میں نام کر گیے
آپ ہیں جون ایلیا سوچیے اب دھرا ہے کیا
آپ بھی اب سدھاریے آپ کے چارہ گر گیے
جون بھایئ سے معذرت کے ساتھ- کچھ خاص نہ لکھ سکا ، میں آپ کے لیے۔ قارئین سے درخواست ہے ، کہ کوتاہیوں کو نظر انداز کر دیجیے گا۔ اگر پسند آے تو فریاد آزر صاحب کو داد دیجیے گا، ان ہی کی تحریک پہ، جون بھاییئ کا سپاس نامہ لکھ ڈالا۔
انیس
۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸۸
|
