Aa’nkhe’n mujhe talvo’n se vo malne nahii’n dete,
armaan mere dil kaa nikalne nahii’n dete.
Khaatir se terii yaad ko Talne nahii’n dete,
sach hai ki hamii’n dil ko sa’nbhal-ne nahii’n dete.
Kis naaz se kahte hai’n vo jhu’njhalaa ke shab-e-vasl,
tum to hame’n karvaT bhii badal-ne nahii’n dete.
Paravaano’n ne faanuus ko dekhaa to ye bole,
Kyo’n ham ko jalaate ho ki jalne nahii'n dete.
Hairaan huu’n kis tarah karuu’n arz-e-tamannaa,
dushman ko to pahaluu se vo Talne nahii.n dete.
Dil vo hai ki fariyaad se lab-rez hai har vaqt,
ham vo hai’n ki kuchh muu’nh se nikal-ne nahii’n dete.
Garmii-e-mohabbat me’n vo hai aah se maane,
pankhaa nafas-e-sard kaa jhalne nahii’n dete.