donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Abdul Alim Aasi
 
Share to Aalmi Urdu Ghar
* غبار ناتواں اپنا یہاں اٹھا وہاں ٹ¬ *

غزل

عبد العلیم آسی

غبار ناتواں اپنا یہاں اٹھا وہاں ٹھہرا

ہے پامال جہاں، پھر بھی زمانہ بد گماں ٹھہرا
ہے محرومی اگر جوش عمل سے بزم خالی ہے
ہمارے دل کا ہر نالہ درائے کارواں ٹھہرا
مجھے کچھ فکر طوفانِ حوادث اے خضر کیوں ہو
سکوں نا آشنا یہ قلب، بحر بیکراں ٹھہرا
رہے گا ہم سفر و اماندۂ منزل قیامت تک
اگر شوق سجود نقش پائے کارواں ٹھہرا
یہ تیری کم نگاہی باعث تحدید جلوہ ہے
اگر ذوق اطاعت صرف سنگ آستاں ٹھہرا
جو ہو ذوق جنوں ہمدم عبث سے فکر محرومی
کہ ہر تار نفس اپنا درائے کارواں ٹھہرا
کسی صورت قفس میں زندگی اپنی گذر جاتی
مگر میرے لئے جاں سوز فکر آشیاں ٹھہرا
ہے تجدید نظر، موجیں اگر اٹھیں سمندر میں
ہمارے دشت کا ہر ذرہ بحر بیکراں ٹھہرا
مجھے فکرِ چمن نے کب حیات شادماں بخشی
کہ آسی ہر نفس اپنے غم ہندوستاں ٹھہرا
٭٭٭

 
Comments


Login

You are Visitor Number : 423