بزمِ قلم : منظوم تاثرات
احمد علی برقیؔ اعظمی
گلشنِ گفتار ہے بزمِ قلم
مطلعِ انوار ہے بزمِ قلم
ہے یہ اک آئینۂ نقد و نظر
مثلِ حُسنِ یار ہے بزمِ قلم
ظلم و جورِ ناروا سے ہر جگہ
برسرِ پیکار ہے بزمِ قلم
کرتی ہے ہموار یہ فکری زمیں
حامیٔ فنکار ہے بزمِ قلم
دیتی ہے گُمنام چہروں کو شناخت
صاحبِ کردار ہے بزمِ قلم
ہے جو ہر سود و زیاں سے بے نیاز
ایسی خدمتگار ہے بزمِ قلم
عہدِ نو میں اردو نظم و نثر کا
دلنشیں معیار ہے بزمِ قلم
گامزن ہیں جس پہ برقیؔ اہلِ ذوق
راہ وہ ہموار ہے بزمِ قلم