یادِ رفتگاں : بیادِ ممتاز و معروف اردو شاعرہ ثمینہ راجہ
احمد علی برقیؔ اعظمی
ثمینہ راجہ تھیں عہدِ رواں میں مایۂ ناز
تھی اُن کی شاعری اُن کے ضمیر کی آواز
ہیں اُن کے فن کے نشاں گیارہ شعری مجموعے
تھا اُن کے رنگِ تغزل کا منفرد انداز
ہوں ’’بازدید‘‘ ’’پریخانہ‘‘ یا کہ ’’عشق آباد‘‘
ہیں اُن کی ندرتِ فکر و نظر کا یہ اعجاز
شناخت اُن کی تھا اُن کے کلام کا جوہر
تھیں بزمِ شعر و سخن میں وہ شاعرہ ممتاز
کئی رسالوں کی تھیں وہ مدیر اردو کے
شعورِ فکر و نظر کے تھے اُن کے جو غماز
ثمینہ راجہ کی رحلت پہ آج اے برقیؔ
ہے میرا نذرِ عقیدت بصد خلوص و نیاز
****************