یادِ رفتگاں : بیادِ والیٔ بھوپال بیگم سلطان جہاں
احمد علی برقیؔ اعظمی
والیٔ بھوپال تھیں سلطاں جہاں
ہر طرف ہیں جن کی عظمت کے نشاں
اہلِ علم و فضل کی تھیں سرپرست
تھیں وہ اربابِ نظر کی میزباں
تھا علی گڈھ سے اُنھیں فطری لگاؤ
تھیں دلوں پر اہلِ دل کے حکمراں
تھیں وہ یکساں صاحبِ سیف و قلم
ہیں کتابیں اُن کی زیبِ داستاں
’’ ہرکہ خدمت کرد او مخدوم شد‘‘
کارنامے اُن کے ہیں سب پر عیاں
آج بھی بھوپال میں موجود ہیں
ہر طرف اُن کے نقوشِ جاوداں
پیکرِ حُسنِ عمل تھی اُن کی ذات
تھیں وہ برقیؔ مرجعِ دانشوراں
*****************