donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Ahmad Ali Barqi Aazmi
 
Share to Aalmi Urdu Ghar
* A'hd-e-wafaa maiN jitnaa nibhaa taa chalaa gayaa, *
A'hd-e-wafaa maiN jitnaa nibhaa taa chalaa gayaa,
utnaa hee mujh se door woh jaataa chalaa gayaa,

thaa mere dil meiN jo woh sunaataa chalaa gayaa,
mehr-o-wafaa ke geet maiN gaataa chalaa gayaa,

lekin huwaa nah us peh kisee baat kaa acar,
naam-o-nishaaN woh meraa miTaataa chalaa gayaa,

maiN is ummeed meiN keh woh shaayad ho mehrbaaN,
"barbaadiyoN kaa jashn manaataa chalaa gayaa",

lekin sitam z^areefeey-e-Haalaat dekhie,y,
koi,y nah koi,y gul woh khilaataa chalaa gayaa,

tarkash meiN jitne teer the uske woh pay ba pay,
un kaa hadaf mujhe woh banaataa chalaa gayaa,

Haalaat se hameshah naburd aazmaa rahaa,
maiN baar-e-zindagee ko uThaataa chalaa gayaa,

maeree wafaa se qat^a' naz^ar woh sitam shaa'aar,
apnee naz^ar se mujh ko giraataa chalaa gayaa,

maeraa junoon-e-shoaq kabhee kam naheeN huwaa,
khwaabidah HasratoN ko jagaataa chalaa gayaa,

naakaamiyoN se kam nah huwaa maeraa HoSlah,
:barqee: qadam maiN aage baRhaataa chalaa gayaa.
 
Comments


Login

You are Visitor Number : 399