MAIN ROODAD E DIL E MUZTAR SUNA DOON PHIR CHALE JANA
TUMHEIN ZAKHM E JIGAR APNA DIKHA DOON PHIR CHALE JANA

ZARA SI THES SE YEH SHEESHA E DIL TOOT JAEGA
TUMHEIN IS KHWAB E GHAFLAT SE JAGA DOON PHIR CHALE JANA

SAMAJHTE HO ISE BAZEECHA E ATFAL TUM SHAYAD
TUMHEIN AADAAB E ULFAT MAIN SIKHA DOON PHIR CHALE JANA

NAHIN ROKOON GA JANE SE TUMHEIN LEKIN ZARA THAHRO
MAIN TUM KO AAJ AAINA DIKHA DOON PHIR CHALE JANA

AGAR CHE MUNTASHIR HAI MERA YEH SHEERAZA E HASTI
TUMHARE KHANA E DIL KO SAJA DOON PHIR CHALE JANA

NESHAT O KAIF O SARMASTI KA SAAMAAN THE TUMHEIN MERE
MATA E JAAN O DIL TUM PAR LUTA DOON PHIR CHALE JANA

BANAYA RAFTA RAFTA MUJH KO SHAIDAAII SE SUDAII
TUMHEIH BHI APNA DEEWANA BANA DOON PHIR CHALE JANA

WOH HAI DAR PARDAH DUSHMAN JO BAZAHIR DOST HAI BARQI
HAQEEQAT KYA HAI TUM KO YEH BATA DOON PHIR CHALE JANA