donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Ahmad Ali Barqi Aazmi
 
Share to Aalmi Urdu Ghar
* گذر رہے ہیں شب و روز کس زمانے میں *
گذر رہے ہیں شب و روز کس زمانے میں
مراہی نام نہیں ہے مرے فسانے میں

شمار کرتا ہوں ایک ایک دن میں اس کے لئے
’’اب اور دیر ہے کتنی بہار آنے میں‘‘

تھا عمر بھر کا مری ماحصل یہ خانۂ دل
لگی نہ دیر اسے بجلیاں گرانے میں

جسے وہ کہتے ہیں اب خرمنِ حیات اپنا
ہے میرا خونِ جگر اس کے دانے دانے میں

بُھگت رہا ہوں سزا جرمِ بے گناہی کی
ہے روح جسم کے محصور قیدخانے میں

میں کیسے پیش کروں عرضِ مدعا اپنا
لگا ہے اپنی ہی وہ داستاں سنانے میِِں

ہے تیری خاک میں شامل خمیر اعظم گڈھ
اثر اُسی کا ہے برقی ترے ترانے میں
***************
 
Comments


Login

You are Visitor Number : 435