PESH KARTA HOON MAIN AAMIR KHAN KE JAZBE KO SALAM
HAI ZAROORI IS MUHIM KO SAB KAREIN MIL JUL KE AAM

JO DIKHAYA AAJ UNHON NE DEKH KAR AISA LAGA
HOTA HAI MAAN KE SHIKAM MEIN LADKIYON KA QATL E AAM

QABIL E TAREEF HAI TV PE AISI PESHKASH
DAAD KE QABIL HAI JIS NE BHI KIYA YEH EHTEMAAM

BETE AUR BETI MEIN HAI TAFREEQ EK FE'AL E QABEEH
LE GI FITRAT AISE LOGON SE BHAYANAK INTEQAAM

MAAN KA HAI MARHOON E MINNAT IBN E AADAM KA WAJOOD
IS LIYE HAR SHAKHS PAR WAJIB HAI MAAN KA EHTERAM

AAJ JO BACHCHI HAI KAL HOGI BADI HOGI BADI HO KAR WOH MAAN
KIJIYE AAINDA NASLON KA NA JEENA AB HARAAM

AAP SE AHMAD ALI BARQI KI HAI YE ILTEJA
AAP BHI HO JAEIN IS QAUMI MISSION MEIN PESH GAAM 
Thanks & Regards
Dr.Ahmad Ali Barqi Azmi