SAR PE EK BAAR E GERAAN HAI ZINDAGI
EK MUSALSAL IMTEHAAN HAI ZINDAGI
 
KSHTI E UMR E RAWAAN I KHAIR HO
EK BAHR E BEKARAAN HAI ZINDAGI
 
GARDISH E HALAAT KE SAB HAIN SHIKAR
RANJ O GHAM KA KAARVAAN HAI ZINDAGI
 
JISM MEIN HAI AATASH E SAYYAL KHOON
SOZ E HASTI KA DHUAAN HAI ZINDAGI
 
HAI JAHAN E RANG O BU MISL E SARAAB
MANZAR E WAHM O GUMAAN HAI ZINDAGI
 
DEKHIYE IQBAL KI NAZRON SE GAR
PAIKAR E AZM E JAWAAN HAI ZINDAGI
 
HAI TAG O DAU MEIN MUSALSAL RAKHSH E UMR
JANIB E MANZIL RAWAAN HAI ZINDAGI
 
TALKH O SHEEREEN JIS KE HAIN KIRDAR HUM
EK AISI DAASTAAN HAI ZINDAGI
 
POOCHHTA HAI SAB SE BARQI AZMI
KOII BATLAYE KAHAAN HAI ZINDAGI
******************