donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Ahmad Hussain Mayel
 
Share to Aalmi Urdu Ghar
* زمزمہ نالۂ بلبل ٹھہرے *

زمزمہ نالۂ بلبل ٹھہرے
میں جو فریاد کروں غل ٹھہرے
نغمۂ کن کے کرشمے دیکھو
کہیں قم قم کہیں قلقل ٹھہرے
جال میں کاتب اعمال پھنسیں
دوش پر آ کے جو کاکل ٹھہرے
رات دن رہتی ہے گردش ان کو
چاند سورج قدح مل ٹھہرے
میرا کہنا ترا سننا معلوم
جنبش لب ہی اگر گل ٹھہرے
جان کر بھی وہ نہ جانیں مجھ کو
عارفانہ ہی تجاہل ٹھہرے
عاشقی میں یہ تنزل کیسا
آپ ہم کیوں گل و بلبل ٹھہرے
تجھ پہ کھل جائے جو راز ہمہ اوست
فلسفی دور و تسلسل ٹھہرے
آنکھ سے آنکھ میں پیغام آئے
گر نگاہوں کا توسل ٹھہرے
کھل گئی بے ہمگی با ہمگی
کل میں جب محو ہوئے کل ٹھہرے
دل سے دل بات کرے آنکھ سے آنکھ
عاشقی کا جو توسل ٹھہرے
کیوں نہ فردوس میں جائے مائلؔ
جب محمد کا توسل ٹھہرے

۸۸۸۸۸۸۸۸۸۸۸

 

 
Comments


Login

You are Visitor Number : 339