Jo bhii dukh yaad na tha yaad aayaa,
aaj kyaa jaaniye kyaa yaad aayaa,
phir ko’ii haath hai dil par jaise,
phir teraa ahd-e-vafaa yaad aayaa,
jis tarah dhu’ndh mei’n lipTe hu’e phuul,
ek ek naqsh teraa yaad aayaa,
aisii majboorii ke aalam mei’n ko’ii,
yaad aayaa bhi to kyaa yaad aayaa,
ai rafiiq sar-e-manzil jaakar,
kyaa ko’ii aablaapaa yaad aayaa,
yaad aayaa thaa bichaRhnaa teraa,
phir nahii’n yaad ke kyaa yaad aayaa,
jab ko’ii zakhm banaa daaGh banaa,
jab ko’ii bhuul gayaa yaad aayaa,
ye muhabbat bhii hai kyaa rog “Faraz”,
jis ko bhuule vo sadaa yaad aayaa.