Dil bahaltaa hai kahaa’n anjum-o-maahtaab se bhii,
ab to ham log gaye deedaa-e-bekhwaab se bhii,
ro paRhaa hoo’n to ko’ii baat hii aisii hogii,
mai’n ke waaqif thaa tere hijr ke aadaab se bhii,
kuch to us aa’nkh kaa shaivaa hai jafaa ho jaanaa,
aur kuch bhuul huii hai dil-e-betaab se bhii,
ai samandar kii havaa ! teraa karam bhii maaluum,
pyaas saahil kii to bujhtii nahii’n sailaab se bhii,
kuch to us husn ko jaane hai zamanaa saara,
aur kuch baat chalii hai mere ehbaab se bhii.