|
* Inhie'n Khush gumaaniyo'n me'n kahi'n jaan se bhi na jaau'n, *
Inhie'n Khush gumaaniyo'n me'n kahi'n jaan se bhi na jaau'n,
Vo jo chaaraagar nahi'n hai use zaKhm kyuuN dhikhaau''n,
Ye udaasiyon ke mausam kahi'n raayegaa'n na jaayeN,
Kisi zaKhm ko kuredo kisi dard ko jagaau'n ,
Vo kahaaniyaa'n adhuuri jo na ho sakengi puuri,,
Unhe'n mai'n bhi kyuuN sunaauuN unhe'n tum bhi kyuuN sunaao,
Mere hamsafar puraane mere ab bhi muntazir hai'n,
Tumhe'n saath chhorhanaa hai to abhi se chhorh jaao,
Ye judaaiyo'n ke raste barhi duur tak gaye hai'n,
Jo gayaa vo phir na lauTaa meri baat maan jaayo,
Kisi bevafaa ki Khaatir ye junuuN `Faraz` kab tak,
Jo tumhe'n bhulaa chukaa hai use tum bhi bhuul jaayo.
|
|