|
* Har tamaashaai faqat saahil se manzar dekhta, *
Har tamaashaai faqat saahil se manzar dekhta,
Kaun dariyaa ko ulaTataa kaun gauhar dekhta,
Vo to duniyaa ko meri divaangi Khush aa gai,
Tere haatho'n me'n vagarnaa pahlaa patthar dekhta,
Aankh me'n aansuu jarhe the par sadaa tujh ko na di,
Is tavaqqo par ki shaayad tuu palaT kar dekhta,
Meri qismat ki lakire'n mere haatho'n me'n na thi'n,
Tere maathe par koi meraa muqaddar dekhtaa,
Zindagi phaili hui thi shaam-e-hijraa'n ki tarah,
Kis ko itnaa hausalaa thaa kaun ji kar dekhta,
Duubane vaala thaa aur saahil pe chehro'n kaa hujuum ,
Pal ki mohalat thi mai'n kis ko aaNkh bhar ke dekhta
Tuu bhi dil ko ik lahuu ki buuNd samjhaa hai `Faraz`. |
|