donateplease
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Akhtar Muslimi
 
Share to Aalmi Urdu Ghar
* mā.il-e-lutf hai āmāda-e-be-dād bhī hai *

mā.il-e-lutf hai āmāda-e-be-dād bhī hai 
vo sarāpā-e-mohabbat sitam-ījād bhī hai 
shab-e-tanhā.ī bhī hai saath tirī yaad bhī hai 
dil kā kyā haal kahūñ shaad bhī nāshād bhī hai 
daulat-e-ġham se har ik gosha hai is kā ma.amūr 
dil kī duniyā mirī ābād bhī barbād bhī hai 
be-sabab to nahīñ ehsās ḳhalish kā mujh ko 
bhūlne vaale tire dil meñ mirī yaad bhī hai 
kyuuñ na āsāñ ho rah-e-ishq ki mere ham-rāh 
jazba-e-'qais' bhī hai himmat-e-'farhād' bhī hai 
jal gayā apnā nasheman magar afsos ye hai 
phūñkne vāloñ meñ ik barq-e-chaman-zād bhī hai 
merā vijdān muharrik hai mire naġhmoñ kā 
tab-e-mauzūñ mirī pāband bhī āzād bhī hai 
kyā batā.ūñ maiñ tumheñ kyā hai navā-e-'aḳhtar' 
naġhme kā naġhma hai fariyād kī fariyād bhī hai 

۸۸۸۸۸۸۸۸۸۸

 

 
Comments


Login

You are Visitor Number : 19