bhaNwar, barham hawa'aiN, gum kinara, kya bany ga,
dareeda baadbaN apna sahara kya bany ga...

baRoN pr munkashif thi sehl angari haamari,
hameN ajdaad kehty thy, tumhara kya bany ga...

abhi sy khaal-o-khad roshan huay jaaty us k,
kabhi jo chaak pr aya to gaara kya bany ga!!!

hiraa-e-zehn meiN utra hay jibreel-e-takhyyul
batata hay keh aaeinda nazara kya bany ga...

naye salaar sy zindaN meiN bachy pochty haiN,
hamary shehr k faateh! hamara kya bany ga?

hawa k shar sy daman hi bachaye to bachaye,
dareeda baadbaN apna sahara kya bany ga...

ye aab-o-taab to mujh meiN azal hi sy thi Akhtar,
mery taiwar bataty thy sitara kya bany ga...