غزل
جو نہ بیتےراہ حق میں زندگی کس کام کی
روزوشب پڑھتا رہوں تسبیح تیرےنام کی
توہی ہے خالق ہمارا تو ہی ہے پروردگار
حد نہیں کچھ بھی ترے الطاف کی،اکرام کی
تو ہے رب العالمیں شاہوں کا شاہنشاہ ہے
التجا سنتا ہے پر ہرایک خاص وعام کی
خواہ مومن ہوکہ ملحد سب کا رازق ہےتوہی
تو ہی کرتا ہے خبر گیری سبھی اقوام کی۔۔۔۔۔۔۔۔۔۔
تیری ہی کرتے عبادت مانگتے تجھ سے مدد
جب گھڑی آئی کبھی ہم پر غم و آلام کی۔۔۔۔۔۔۔
ہے دعا تجھ سے کہ ہم کو نیک رستہ پر چلا
رہبری کرتا رہے میرے سبھی اقدام کی۔۔۔۔۔۔۔۔
عالیہ ایسی عبادت میں خلوص دل کہاں۔۔۔۔۔۔
کی گئی ہو جو توقّع میں کسی انعام کی۔۔۔۔۔
از
عالیہ تقوی،الہ آباد
۸۸۸۸۸۸۸۸۸۸۸۸