Shohrat uruje Husn ki Daulat kisi se bhi !
Karta Nahi'n yeh waqt reyayat kisi se bhi

Jo bhi hua woh aise hi hona tha ho gaya
Yani nahi'n hai ham ko shikayat kisi se bhi

Hai kaun si zaban ! yeh kaise horoof hai'n
Khulta nahi'n hai uqda-e-qismat kisi se bhi

Duniya ki dhoop chhao'n pe takiya na kijiye
Karti nahi'n nibah yeh aurat kisi se bhi !

Kaisi Chetawani hame'n Ghalib yeh de gaye
Hasil na kijiye dehr me'n ibrat kisi se bhi

"Amjad" tamash been hai'n sare yeh Ghamgosar
Kijiye na apne Gham ki wazahat kisi se bhi

				275-N, Defence Hosing Complex,
				Lahore (PAKISTAN)