donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Anjum Manpuri
 
Share to Aalmi Urdu Ghar
* adū to kyā ye falak bhī use satā na sakā *

adū to kyā ye falak bhī use satā na sakā 

ḳhushī hañsā na sakī ġham jise rulā na sakā 

na pūchh us kī dil-afsurdagī kī kaifiyyat 

jo ġham-nasīb ḳhushī meñ bhī muskurā na sakā 

vo pūchh baiThe yakāyak jo vaj.h-e-be-tābī 

khuja ke rah gayā sar baat kuchh banā na sakā 

vo dekh leñ na kahīñ merī chashm-e-pur-nam ko 

gayā to milne ko āñkheñ magar milā na sakā 

ye do-dilī meñ rahā ghar na ghaaT kā 'anjum' 

butoñ ko kar na sakā ḳhush ḳhudā ko pā na sakā 

۸۸۸۸۸۸۸۸۸۸۸۸۸۸۸۸


 

 
Comments


Login

You are Visitor Number : 49