غزل

سب اپنی زندگی کے مسئلے حل ہو گئے ہوتے
اگر عرُیاں ادب لکھتے تو مخمل ہو گئے ہوتے

طوافِ مصلحت کرتے تو شہرت مل گئی ہوتی
پلا کر دودھ ہم سانپوں کو صندل ہو گئے ہوتے

گئے تھے دیکھنے اس دور کے شدّاد کی جنت
وہاں کچھ دیر ہم رہتے تو پاگل ہو گئے ہوتے

بُلاوا شہر کا ہم سے اگر ٹالا نہیں جاتا
ہمارے گائوں کے سب کھیت جنگل ہوگئے ہوتے

وفا کی راہ میں عہدِ رفاقت نبھ گیا ہوتا
اگر زحمت گوارہ کر کے پیدل ہوگئے ہوتے

بچا پاتے نہ خود کو جو دو پٹے کی ہوائوں سے
تو ہم بھی نرگسی آنکھوں کے کاجل ہوگئے ہوتے

چلو اچھا ہوا اشرف کہ اس کی ہمرہی چھوٹی
جو کچھ دور اور چلتے پائوں بوجھل ہو گئے ہوتے

اشرف یعقوبی

6/2/H/1, K.B. 1st Lane
Narkeldanga, Kolkata-700011
Mob: 9903511902 / 9835628519
…………………………