غزل

منسوب تجھ سے تھے وہ فسانے بکھر گئے
ٹھوکر لگی تو خواب سہانے بکھر گئے

ضبطِ الم کی حد سے جو گذرے تو یہ ہوا
گالوں پہ آنسوئوں کے خزانے بکھر گئے

جس شخص نے تباہ کیا در بدر کیا
اس بے وفا کے سارے ٹھکانے بکھر گئے

اِترا رہے تھے طاق پہ مٹی کے جو دیئے
تھپڑ لگائی ایسی ہوا نے بکھر گئے

وہ تھے تو آبروئے غزل تھی بچی ہوئی
غالب کے شہر کے جو گھرانے بکھر گئے

چاروں طرف ہے میر ے نئے دوستوں کی بھیڑ
احباب میرے تھے جو پرانے بکھر گئے

بارش ہوائے سنگ کی اشرف ہوئی کہ ہم
شیشے کا گھر چلے تھے بنانے بکھر گئے

اشرف یعقوبی

6/2/H/1, K.B. 1st Lane
Narkeldanga, Kolkata-700011
Mob: 9903511902 / 9835628519
…………………………