Is meiN sachchai yaqeenan hai ye dawa ho na ho,
Ham hi chchayeN ge adab par aaj aisa ho na ho,

Kyounke is meiN hai ZameerouN ke liye meethi chubhan,
Pyar ka paigham deNge koi apna ho na ho,

Jam ke khidmat hogi ham se fikro fan ki dekhna,
Dil ki daulat hai hamarey paas lahja ho na ho,

Toot kar miltey haiN sab se dost ho yaa ho adost,
Ham hare ek mahfil meiN jaayenge shanasaa ho na ho,

Dekhna naasoor meiN tabdeel hogi har kharaash,
Kya gharaz is se namak ko zakhm gehra ho na ho,

Shayarari ke fan pe kaisa waqt aaya hai AZEEZ,
HaiN to shayar, Sheir kahne ka saleeqa ho na ho.