Utha ke choom rahe haiN ye maah o saal mujhe,
Khoolus e dil se samajhte haiN baa kamal mujhe,

Is aayeene meiN kabhi aks e munqasim to no tha,
Dikhayee dene laga hai ab is meiN baal mujhe,

Samajh raha hai kahani ye uske dil ki hai,
Suna raha hai wo khud mere dil ka haal mujhe,

Teri nazar ko teri fikr ko badalna hai,
“abhi chaman se ai baghbaN nikal mujhe”,

MaiN Dhal na jaauN kahiN behisi ke qalib meiN,
Ek izteraab ke saandhe meiN ab to Dhaal mujhe,

AZEEZ pesh kiya us ne kis saleeqe se,
Meri miCal meiN khud surat e miCal mujhe.