غزل

سوال پھول سے نازک جواب زخموں کے
بہت عجیب ہیں یہ انقلاب زخموں کے
حروف خالی صدف اور نصاب زخموں کے
ورق ورق پہ ہیں تحریر خواب زخموں کے
غریبِ شہر کو کچھ اور غمزدہ کرنے
امیرِ شہر نے بھیجے خطاب زخموں کے
وہ ایک شخص کہ جو فتح کا سمندر تھا
اُس کے حصے میں آئے سراب زخموں کے
سروں پہ تان کے رکھنا ثواب کی چادر
اترنے والے ہیں اب کے عذاب زخموں کے
کھلیں گے نخلِ تمنا کی ٹہنی ٹہنی پر
لہوں کی سرخیاں لے کر گلاب زخموں کے
سجاکے رکھوں گا محرابِ دل میں اے نیّر
بہت عزیز ہیں مجھ کو گلاب زخموں کے

اظہر نیّر

Vill & PO: Barhulia, Via: Kansi Simri
Darbhanga (Bihar)
Mob: 9939749452

بشکریہ ’’میر بھی ہم بھی‘‘ مرتب: مشتاق دربھنگوی

………………………