na yaad aaya na bhula na saneha mujh ko
bana gaya jo ek aisa mujassama mujh ko
ki raste mein khaDa but samajh ke chhoD gaya
tamam umr ki yaadon ka qafila mujh ko
main so rahi thi usi dastan mein sadiyon se
sula gaya tha jahan mera hafiza mujh ko
kisi qadim kahani ka ek charagh hun main
bujha ke chhoD gai taq par hawa mujh ko
phir uTh ke nind mein jati thi us taraf har shab
pukarta tha jidhar se mera pata mujh ko
magar ye hosh na tha le ke ja raha hai kahan
bikharti TuTti yaadon ka silsila mujh ko

۸۸۸۸۸۸۸۸۸۸۸۸۸۸۸۸