nazar aatā hai vo jaisā nahīñ hai
jo kahte ho magar vaisā nahīñ hai
nahīñ hotā hai kyā kyā is jahāñ meñ
vahī jo chāhiye hotā nahīñ hai
bharā hai shahr firaunoñ se apnā
koī hotā jo ik muusā nahīñ hai
chalo ik aur koshish kar ke dekheñ
yūñhī ghuT ghuT ke mar jaanā nahīñ hai
nahīñ hai ḳhvāb dīvāne kā hastī
ye duniyā sirf ik dhokā nahīñ hai
nihāyat talḳh hai sañgīn sach hai
haqīqat apnī afsāna nahīñ hai
namak ashkoñ kā dil ko lag gayā hai
yahāñ ab kuchh kahīñ ugtā nahīñ hai
jo karnā chāhiye vo hī kiyā hai
milegā ajr kyā sochā nahīñ hai
sunā.e jā rahe haiñ apnī apnī
ajī suniye mujhe sunñā nahīñ hai
hameñ chheḌe nahīñ 'bilqīs' koī
hamārā aaj jī achchhā nahīñ hai
nazar aata hai wo jaisa nahin hai
jo kahte ho magar waisa nahin hai
nahin hota hai kya kya is jahan mein
wahi jo chahiye hota nahin hai
bhara hai shahr firaunon se apna
koi hota jo ek musa nahin hai
chalo ek aur koshish kar ke dekhen
yunhi ghuT ghuT ke mar jaana nahin hai
nahin hai KHwab diwane ka hasti
ye duniya sirf ek dhoka nahin hai
nihayat talKH hai sangin sach hai
haqiqat apni afsana nahin hai
namak ashkon ka dil ko lag gaya hai
yahan ab kuchh kahin ugta nahin hai
jo karna chahiye wo hi kiya hai
milega ajr kya socha nahin hai
sunae ja rahe hain apni apni
aji suniye mujhe sunna nahin hai
hamein chheDe nahin 'bilqis' koi
hamara aaj ji achchha nahin hai

****************