Daaim ho uske husn ki nuzhat, KHuda kare
Aur mujh meiN ye junoon ki lazzat, KHuda kare
 
Muddat se koi teer, na KHanjar, na sang o khisht
Duhman mera ho znda salamat KHuda kare
 
Sanjeedgi ka rang ho thoRa sa pyar meiN
Baqi magar ho rang e shararat, KHuda kare
 
Ghamgeen huN, lateefe haiN phir bhi Zabaan par 
Qaim rahe yeh zauq-e zarafat, KHuda karae
 
Poshida haiN gunahoN meiN barbadyoN ke raaz
Nazil ho dil pe harf-e nidamat, KHuda kare
 
MajmE ki kaifiyaat ka manzar Ajeeb
 tha
BaRhta rahe ye zor-e KHitabat, KHuda kare
 
Kahte haiN apni, auroN ki sunte nahiN hain log
Ho jaaye kaash shauq-e samaAt, KHuda,
 kare
 
Kahte haiN ahl-e deen ke taqwa hi deen hai
Woh jaan jaayen kaash iqamat, KHuda kare
 
Karta duA yahi huN shareek-e safar ke saath
Aa jaaye hum ko husn-e nizamat, KHuda kare
 
Har shaKhs kaash seekh le aadaab pyar ke
Dil meN na ho kisi ke kadoorat, KHuda kare
 taKHleeq hai bulandi-e afkaar ki Ataa
aaye tere kalaam meN rifAT, KHuda kare
Javed chheen sakta hai kya uska koi rizq
Jis shaKHs ki hamesha kafalat KHuda kare