donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Dr Javed Jamil
 
Share to Aalmi Urdu Ghar
* ہوش ہم کھوتے نہیں ہیں کبھی جذبات م *

غزل


از ڈاکٹر جاوید جمیل
 
ہوش ہم کھوتے نہیں ہیں کبھی جذبات میں بھی
ہر قدم پھونک کے رکھتے ہیں خیالات میں بھی
 
ہے محبت کا تعلق کہاں دانش سے کوئی
 یہ وہ جذبہ ہے جو ہوتا ہے نباتات میں بھی
 
ذکر میرا نہ چھڑے، کتنی بھی کرلے کوشش
آ ہی جاتی ہے مری بات تری بات میں بھی
 
اوروں کو ٹوکتا پھرتا رہوں ایسا بھی نہیں
رہتا محتاط ہوں خود اپنے بیانات میں بھی
 
منحصر رہتا ہوں اقدام پہ اور حکمت پہ
اور یقیں رکھتا ہوں تھوڑا سا کرامات میں بھی
 
داخل_شہر میں ہوتا ہوں جھکا کر سر کو
ہوتا مغرور نہیں ہوں میں فتوحات میں بھی
 
میں سوالات فقط کرتا نہیں ہوں جاوید
چاق و چوبند میں رہتا ہوں جوابات میں بھی


********************

 

 
Comments


Login

You are Visitor Number : 553